افغانستان برق شرکتی نینگ قندوز ولایتیدهگی نمایندهلیگی مسووللری، طالبان اشغالیده بولگن قیشلاقلر اهالیسیدن بوندن بویان برق مصرفی پولینی اوشبو حرکت ادارهسیگه تولشلری حقیده آگاهلنتیرگن دیگن.
قندوز ولایتیده برق شرکتی نینگ باشلیغی انجنیر حمیدالله مومند، بوندن ایکّی کون آلدین اهالیدن برق پولی جمع لهنیشی کوتیلردی، بیراق ایریم منطقهلرنینگ قوم بویوکلری برق پولینی طالبلر آلگن لیگینی معلوم قیلگنلیکلرینی ایتگن.
قوراللی طالبلر قندوزنینگ 95% توپراغی بو حرکت نینگ اختیاریده ایکن لیگینی بارهسیده آگاهلنتیریب، بوندن بویان برق مصرفی پولی اوشبو حرکتگه بیریشلری توغریسیده خلقنی مجبور قیلگن دیدی جناب مومند.
ولایت برق ادارهسی نینگ باشلیغی، قندوزده 20 مینگ خانهدان جنگری طالبلر اشغالیده بولگن منطقهلرده حیات کیچیرهدیلر دیگن. بو اهالی نینگ برق پولی دولتگه تولنیلمهگن حالده، ولایت نینگ برق جریانی تاجیکستاندن کیسیلیشی ممکن دیگن او.
اهالی نینگ برق مصرفی پولی جنگری طالبلر تامانیدن ییغیب آلینگن لیگی خصوصیده خواطر بیلدیرگن ولایت کینگشی نینگ اعضالری بو ضعیت دوام ایتگن حالده، ولایت نینگ محلی ادارهسیگه مالی زیان ییتهدی دیدیلر.
قندوز ولایت کینگشی نینگ اعضاسی غلام ربانی ربانی، اهالی نینگ برق بلی جنگری طالبلر تامانیدن ییغیب آلینگن لیگینی تیلگه آلگن.
تاجیکستاندن قندوز ولایتیگه آلیب کیلیگن برق نینگ جریانی بوندن اوچ کون آلدین جنگری طالبلر تامانیدن کیسیلگن بیر پیتده بو حرکت ادارهسیده بولگن منطقهلر اهالیسیدن بوندن بویان برق مصرفلرینی طالبلرگه بیریشنی سوره ماقدهلر.
قندوز برق ادارهسی نینگ مسووللری، نا برقرارلیکلر سبب هنوزگچه برق جریانینی قیتهدن اولَشگه موفق بولمهگنلیکلرینی بیلدیرگنلر.
