بوگون "جمعه" مسکو تینچلیک ییغینی تینچلیک عالی کینگشی و طالبان نمایندهسی حضوری بیلن روسیه باشکنتیده یولگه قوییلدی.
اوشبو ییغین روسیه تشقی ایشلر وزیری سرگی لاوروفنینگ صحبتی بیلن باشلندی. روسیه تشقی ایشلر وزیرینینگ ایتیشیچه، افغانستانده تینچلیک تامینلنیشیدن دنیا امیدوار دیر.
جناب لاوروفنینگ ایتیشیچه، افغانستان قیینچیلیگی سیاسی روشلر و دخیل بولگن بوتون گروهلرنینگ اشتراکی بیلن حل ایتیلهدی.
اونینگ، تینچلیک عالی کینگشی و طالبان گروهی نمایندهلرینی مخاطب قرار بیریب ایتیشیچه، مسکو ییغینی افغانستان تینچلیک لایحهسیگه همکارلیک قیلهدی.
مسکو ییغینیده طالبان گروهی و تینچلیک عالی کینگشی نمایندهلری یانیده هند، پاکستان، ایران، چین، ترکمنستان، قزاقستان، اوزبیکستان، تاجیکستان، قرغیزستان، آذربایجان و امریکا نینگ نمایندهلری هم رسمی شکلده دعوت ایتیلگنلر.
تینچلیک عالی کینگشی نمایندهلیگیگه تورت کیشیلیک بیر هیأت اوشبو کینگش اورین باسری حاجی دینمحمد ریاستیگه مسکوگه بارگن. طالبان گروهیدن محمدعباس ستانکزی، عبدالسلام حنفی، شهابالدین دلاور، ضیاالرحمان مدنی و محمدسهیل شاهینلر شامل 5 کیشیلیک بیر هیأت اوشبو ییغینگه اشتراک قیلگن.
