افغانستان ملی مجلسی جمهور رییسنینگ سیلاولر کمیسیونی صلاحیتی، ایشی و تشکیل قانونیگه اوزگریش کیریتیش اوچون صادر قیلگن تقنینی فرمانینی کوپچیلیک آواز بیلن رد قیلدی.
بو افغانستان جمهور رییسینینگ ملی مجلس اعضالری تامانیدن رد ایتیلگن ییتینچی فرمانی سنلهدی.
بوگون (دوشنبه) پارلماننینگ عمومی ییغینیده سوزلهگن مجلسنینگ اعضالریدن عبدالقادر زازی وطندست جمهور رییس غنینینگ سیلاولر کمیسیونیگه اصلاحات کیریتیش، ایش و تشکیل قانونیگه اوزگریش کیلتیریش، سیلاولرنینگ تصدیقلنگن قانونیگه قرشی دیگن.
جناب وطندوستگه کوره، سیلاولرگه اصلاحات کیریتیش، ایش و تشکیل قانونینینگ اون تورتینچی مادهسیگه موافق سیلاولر قانونیگه اوزگریش کیلتیریش موردلر سیلاولر کمیسیونی تامانیدن تکلیف ایتلیشی مقصدگه موافق .
اونینگ ایتیشیچه، سیلاولر کمیسیونی و سیلاولر شکایتلرینی تینگلش کمیسیون موجود حالتده، اصلاحات اوچون کمیسیونگه احتیاج یوق و بوندهی کمیسیون مملکت اوچون فایدهلی ایمس.
جمهور رییس غنینینگ مذکور فرمانی اوتگن هفته تنلاو کمیتهسی اوزاق جنجالدن سونگ اوزینینگ بیرینچی ییغینینی اوتکزگندن چاغده رد ایتیلماقده.
شونینگدیک بوگون سیلاولرگه اصلاحات کیریتیش کمیسیونی نینگ ایشی اوز پایانیگه ییتدی.
مذکور کمیسیون باشلیغی شاهسلطان عاکفینینگ سوزلریگه قرهگنده، سیلاولرگه اصلاحات کیریتیش کمیسیون اوز تکلیفلر مجموعهسینی ملی بیرلیک حکومتی رهبرلریگه تاپشیریگن.
سیلاولرگه اصلاحات کیریتیش کمیسیونی جاری ییل سنبله آییده تکلیفلر مجموعهسینی حکومتگه تقدیم قیلگن ایدی. اون تکلیفدن سکیز تکلیف جمهور رییسغنی تامانیدن تصدیقلنگن ایدی.
سیلاولر تیزیمی اوزگریشی، سیلاوچیلر رویخطی ترتیبلهنیشی و رای بیریش مرکزلری کمهیشی سیلاولرگه اصلاحات کیریتیش کمیسیونی تامانیدن کوپراق تیکشیریلیشی اوچون تکلیف ایتیلگن موردلردن ایدی.
شونینگدیک جناب عاکفی سیلاولرگه اصلاحات کیریتیش کمیسیوننینگ ینگی تکلیفلر مجموعهسیده، کیلهجک جمهور رییسلیک سیلاولری تیکشیریلیشی و ولسواللیکلر سیلاولری قیندهی اوتکزیلیشی حکومتگه تکلیف ایتیلگن.
مذکور فرمان ملی مجلس تامانیدن رد ایتیلیشی بیلن سیلاولرگه اصلاحات کیریتیش تنلاو کمیتهسی تامانیدن عملی بولیشی و بولمسلیگی هنوز انیق ایمس.
