قندوز رسمیلرینینگ ایتیشیچه، ولایت پولیس قومندانلیگی اوچینچی امنیتی حوزهنینگ آمری، اورین باسری، بلوک قومندانی، جنایی مدیری و تروریزیمگه قرشی کورهش مدیرینی ایشلریگه دقت قیلمهگنی اوچون ایشدن آلگن حربی محکمهگه معرفی قیلگن.
قندوز والیسینینگ سوزلاوچیسی نعمتالله تیموری نینگسلاموطنداگه خبرنی تأیید قیلیب ایتیشیچه، ملی امنیت ریاستی هم ولایتده سونگی ترورچیلیکلرگه قرهته ولایت مرکزی شهرینینگ مدیری ۳ حوزه آمرلرینی ایشدن آلیب اولر اورنیگه باشقه کیشیلرنی ایشگه آلگن.
جناب تیموریگه کوره، قندوز شهریدهگی سونگی ترورچیلیکلر اوچون والی حوزهلر آمرلرینی آگاهلنتیریب ایشلریگه دقت قیلمهگن صورتده محکمهگه معرفی قیله من دیگن ایدی.
سونگی حادثه شوبوگون کیش قرونده ناتانیش قورالی شخصلر قندوز شهری ایچیده ایکی پولیسنی اوق بیلن آتیش نتیجهسیده بو پولیسلردن بیری عالمدن اوتدی و باشقه بیری ایسه یرهدار بولگن.
بوندن آلدین قندوز ولایتی کینگشی اعضالری هم شهر ایچیده امنیتی وضعیت یمان بولیشیدن خواطر بیلدیریب مرکزی حکومتنی ولایت امنیتی رسمیلریگه اوزگریش کیلتیرمهگن تقدیرده، ولایت شاه یوللرینی ترافیک یویزگه باغلهیمیزدیب آگاهلنتیرگن ایدیلر.
