مملکت حادثهلریگه قرشی کورهشیش اداره رسمیلرینینگ ایتیشیچه، افغانستان اوروشلریدن قالگن پارتلاوچی ماده و ماینلر یکونلنماقده؛ بیراق اوروش دوامی اولرنینگ ایشینی قیینچیلیککه روپهره قیلگن.
حادثهلرگه قرشی کورهشیش اداره ماین تازهلش جمغرمهسی باشلیغی محمدشفیق یوسفینینگ ایتیشیچه، هر بیر اوروشدن پارتلاوچی ماده و ماینلر قالهدی، اولرنی پارتلهشی مملکت تینچ اهالیسیدن کوپلب قربانلیک آلهدی.
افغانستان بوگون (دوشنبه) منطقهلیک ماین تازهلش اولتیریشینی کوتیب آلدی. اوشبو اولتیریش اوتکن ییل ایرانده اوتکزیلگن ایدی. اوشبو اولتیریشلردن مقصد، منطقهده ماین تازهلش خصوصیده تجربه و معلوماتلرنی المشتیریش دییلهدی. افغانستان، ایران، تاجیکستان و آذربایجان اوشبو اولتیریش اعضاسی دییلهدی.
حادثهلرگه قرشی کورهشیش ایشلری بوییچه دولت وزیری ویس احمد برمکنینگ ایتیشیچه، ماین تازهلش لایحهسی بودجه کملیگیگه روپهره بولیب تورگن و خلق ارا ادارهلری اوشبو لایحهگه یاردم بیرمهگن صورتده، افغانستان ماینلرینی تازهلش لایحه 2023- ییلگچه قیینچیلیککه دوچ کیلهدی.
جناب برمکنینگ ایتیشیچه، اوتکن 26 ییل جریانیده، افغانستان جغرافیهسیدن کمیده 80 فایزی اوروش دورانلریدن قالگن پارتلاوچی ماده و ماینلردن تازهلنگن و باشقه کمیده 20 فایزی 2023- ییلگچه تازهلنیشی ممکن.
اوشبو اداره رقمی اساسیده، هر آی کمیده 100 تینچ اهالی یول یانیده ییرلشتیریلگن ماینلر و پارتلاوچی مادهلر پارتلهشی نتیجهسیده هلاک بولیب و یرهلنهدی.
حادثهلرگه قرشی کورهشیش اداره ماین تازهلش جمغرمه باشلیغیگه کوره، اوشبو اداره ایشچیلری ماین تازهلش اوچون ناتینچ منطقهلرده بارهدی؛ بیراق اوشبو ایشچیلر امنیتی قیینچیلیکلرگه روپهره بولیب و 2012- ییلدن بویان، 60 دن آرتیق ماین تازهلاوچی هلاک بولگن.
شونینگدیک، ماین تازهلش اداره رقملری اساسیده، حاضرگچه 29 میلیوندن آرتیق ماین و باشقه پارتلاوچی ماده افغانستانده کشف ایتیلیب اوچیریلگن.
