زابل – قندهار یولی، هیداوچیلر و یولاوچیلر اوچون خواطرلی بولگن. مذکور یول، یولاوچیلرنینگ ایتیشیچه، جدی شکلیده ناتینچ بولگن.
اولر، ناتینچلیک یانیده پولیس کوچلرینینگ پاره آلیشلریدن هم شکایت قیلهدیلر.
25 یاشده بولگن سردارمحمد زابل ولایتینینگ قلات شهریدهگی دگاندارلردن بیری دیر. او، دکانیگه سودا آلیش اوچون هفتهده تورت مرته اوتیشگه مجبور ایکنلیگینی بیلدیرهدی.
سردار، قندهاردن دکانیگه مواد کیلتیریش اوچون باریب کیلیشنی هرلحظه دشمن هجومیگه قالیش خواطری بیلن اوتکزهدی.
اونینگ ایتیشیچه، دکاندارلیکدن عایله سیگه بیرلقمه نان تاپهدی بولمهگن صورتده مذکور یولدن اوتیشگه مجبور بولمه گونگه هیچ اوتمسدی.
زابل- قندهار یولیدهگی هیداوچیلردن بیری محمدگلنینگ ایتیشیچه، 50 یاشده ایکن و 20 ییلدن بیری هیداوچیلیک قیلهدی. محمدگل قندهار- کابل یولیچه هیچ بیر یولدن خواطرده ایمسلیگینی بیلدیرهدی.
او، هرکون اوغریلربیلن روپهره بولیش، ماینلر، طالبلر و مذکور یولدهگی ایریم قورالی گروهلر توقنه شوولریدن بیزار بولگن میز دیدی.
هیداوچیلر و یولاوچیلر، ایکی آی آلدین 31 یولاوچی نقاب پوشلر تامانیدن اوغیرلنیب حاضرگه قدر اولردن هیچ خبر بولمه گنلیگی اوچون شکایت قیلهدیلر.
بو یولدن اوتیب، قهیتهدیگن یشاوچیلر حکومتدن تیزلیکده مذکور یول امنیتینی تأمین قیلش اوچون اقدام قیلیشی نی ایستیدیلر.
شونینگدیک زابل امنیتی مسؤوللرینینگ ایتیشیچه، طالبلر بهار کیلیشی بیلن اوز تروریستی فعالیتلرینی کوپه یتیرگنلر؛ اما مذکور گروه هجوملری آلدینی آلیش اوچون تلاش قیلهدیلر.
زابل ولایت پولیس باشلیغی غلامسخی روغلیونینینگ سلاموطندارگه ایتیشیچه، هیداوچیلر و یولاوچیلر شکایت قیلگن منطقهلرده عملیات اوتکزگنلر و مذکور عملیاتلریخشی یوتوقلر بیلن اوتگن.
شونینگدیک زابل پولیس باشلیغی، پاره آلیش یا ناتینچلیکلرگه قولی بولگن امنیتی کوچلری تانیلیب قانونگه تاپشیریلهدی و تینچ اهالی امنیتی خواطرده سالیش اجازهسی کیشیگه بیریلمهیدی دیگن.
روغلیونیگه کوره، هیداوچیلر و یولاوچیلر نه فقط شو یول، بلکیم باشقه هر یولدن ایستهگن بولسهلر راحتلیک بیلن اوتیشه آلهدیلر و اولر اوچون هیچ خطر یوق.
کابل- قندهار یولی، غزنی، زابل و میدان وردک ولایتلری ایچیدن اوتهدی، بیراق بو یول ناتینچلیکلرگه شاهد دیر.
