مملکت کانلر و پترولیم وزیری داوودشاه صبا، مذکور وزیرلیکده کانلر ایشلب چیقاریش 20 پروژه کیلهجکی انیق بولمهگنیدن خبر بیردی.
جناب صبا، یکشنبه کون بیر خبری ییغینده، موجود پروژهلر ایچیده قیته تیکلنیشگه نیازی بولمهگن پروژهلر موجودلیگینی ایتیب و اوشبو وزیرلیک اولرنی قیتهدن کیم آچتی سوداسیگه قوییشینی تیلگه آلدی.
کانلر و پترولیم وزیریگه کوره، ایش ساحهسیدهگی ناتینچلیکلر و پروژهلر ناقصلیگی، مذکور پروژهلر کیلهجکی انیق بولمهییشیگه سبب بولگن.
شونینگدیک ایتیشیچه، تاش کومیر کانلرینی ایشلب چیقاریش مملکت ایریم منطقهسیده دوام ایتماقده، بیراق اوشبو کانلردن معیاری شکلده فایدهلنیشی توغریسیده حاضرگچه قانون ایجاد ایتیلمهگن.
صباگه کوره، کیلهسی بیش ییلده ایچکی کانلرنی ایشلب چیقاریش خصوصیده، ایچکی سرمایه یاتقزوچیلرنی آلقیشلش اوچون سعی و حرکت قیلیب و ایشلرینی قانونگه اساس ایلگری آلیب بارهدی.
کانلر وزیرینینگ کوپهیتیریشیچه، کانلرنی ایشلب چیقاریش اوچون تورت لایحه اوستیگه ایشلهیدی و اوشبو لایحهلردن بیرقطاری جاری ییل اداغیگچه عملگه آشیریلیشی ممکن.
کانلر و پترولیم وزیری، ناسالم بیلشوو، ظرفیتسیزلیک، ناتینچلیک و ایریم پروژهلر حقوقی قیینچیلیکلری، مذکور وزیرلیک اونگیده اساسی قیینچیلیکلر دییدی.
جناب صباگه کوره، حاضر مملکت کانلری کوپینچه عایدی معیاری سیستم بولمهگنی باعث، دولتگه تیگمهیدی و اوشبو وزیرلیک معیاری سیستم توزهتیش اوچون سعی و حرکت قیلهدی.
انچه پیت آلدین امیریکهلیک جیولوژیست گروه مملکت توپراغیدن 30 فایزینی تیکشیرگن و تیکشیرولریدن کیین، افغانستان توپراغیدن اوشبو 30 فایزی، 3 مینگ میلیارد دالر ارزشلی کان ایگهسی بولگنینی ایتکن. ایتیلیشیچه، تیمیر، آلتین، مس، یورانیم، لیتیم و قاره کومیر اوشبو کانلر جملهسیدن دییلهدی.
شونینگدیک، اوشبو گروه ینگیلیکده مملکت توپراغی ییر کانلریدن 27 حوزهسینی رویخطگه آلگن.
اقتصادی ایش بیلرمانلرنینگ ایتیشیچه، چیت ایللیک شرکتلر توغری شکلده، بو خصوصده سرمایه یاتقیزیب و اوشبو کانلر عایدی حکومت اختیاریده بیریلگن صورتده، افغانستان کیلهسی 10 ییل ایچیده اوزباشیمچه لیککه ییتیشهدی و باشقه تشقی یاردملرگه احتیاج بولمهیدی.
