مملکت ایچکی ایشلر وزیری نورالحق علومینینگ ایتیشیچه، افغان امنیتی کوچلری کون ساین کوچلهنیب بارماقده و باشقه آلتی آیده طالبلر کوپراق ضربه بیریلهدی.
شونینگدیک جناب علومینینگ یکشنبه کونگی سنامجلسی ییغینیده ایتیشیچه، باشقه آلتی آیده امنیتی وضعیت یمان بولمهیدی و بو مدتگه امنیتی کوچلر افغانستان دشمنلرینی جدی قیین چیلیککه دوچ کیلتیرهدی.
ایچکی ایشلر وزیری، شوندهی بیرحالده کیلهسی آیلرده امنیتی وضعیت یخشیلنیشی توغریسیده سوز یوریتهدی کیم، شنبه کونگی پارلمان نمایندهلری ییغینیده ملی امنیت باشلیغی رحمت الله نبیل، کیلهسی تورت آیده امنیت وضعیت یامان بولیشینی ایتکن ایدی.
جناب علومینینگ کوپیتیریشیچه، ایچکی ایشلر وزیرلیگی، خوفسیزلیک وضعیت یخشیلنیشی اوچون، وطن دوست و تجربهلی کیشیلرنی ایشگه آلگن.
ایچکی ایشلر وزیری، افغانستان شمالیدهگی ناتینچ لیکلر اصلی دلیلنی تروریستلرنینگ اورته آسیا تامان یول تاپیش اوچون قیلگن سعی و حرکتی دیدی.
علومینینگ سناتورلرگه ایتیشیچه، امنیتی کوچلرنینگ سونگی عملیاتلری نتیجهسیده طالبلرنینگ حرکتی کم بولگن و اولرنینگ بوتونلهی اورتهدن آلیب کیتیش اوچون مملکت شرقی و شمالی ولایتلرده کوچلی عملیاتلرنی یولگه قوییلهدی.
افغانستانده داعش حضوری حقیقت دیر
عین حالده، اجراییه ریاستی بیرینچی اورین باسری انجنیر محمدخاننینگ یکشنبه کونگی اوتکزیلگن خبری ییغینده ایتیشیچه، افغانستانده داعش حضوری حقیقت دیر؛ بیراق اونگه کوره، افغانستان حکومتی هر بیر عصیانچی گروهنی یوقاتهدی.
محمدخاننینگ کوپیتیریشیچه، ایریم منطقهده داعش جنگریلری طالبلر بیلن توقنشهدی، بیراق باشقه منطقهلرده طالبلر آق بیرقینی قاره بیرققه اوزگرتیرگن.
عینحالده، ملی امنیت ریاستی یکشنبه کونی بیرخبرنامه ترقهتیب، ننگرهار ولایتیده طالبلرنینگ نام لنگن ولسوالینی توتقونگه آلگنیدن خبر بیردی. ملی امنیتگه کوره، طالبلرنینگ توتقونگه آلینگن ولسوالی یانیدن داعشنینگ قاره بیرقی تاپیلگن.
باشقه تماندن، شنبه کونی ملی امنیت باشلیغی، ننگرهارده داعش کوچلری حضوری توغریسیده خواطر بیلدیردی. شونینگدیک او، تیزلیکده ننگرهار ولایتیده بو گروه جنگریلریگه قرشی عملیات یولگه قوییلیشینی بیلدیرگن.
شونینگدیک اجراییه باشلیغی بیرینچی اورین باسرینینگ ایتیشیچه، افغانستاننینگ شمال و شرقی منطقهسیده داعش حضوری کوپیگن.
اونینگ اورغولشیچه، تاجکستان ترورچی لرگه قرشی کورهشیش توغریسیده افغانستانگه هرتمانلمه یاردم بیریشگه علاقه کورستگن.
عین حالده، مدافعه وزیرلیگی رسمیلرینینگ ایتیشیچه، مذکور وزیرلیک تامانیدن ریجهلنگن 9 عملیات افغانستاننینگ 9 ولایتیده دوام ایتماقده.
مدافعه وزیرلیگی سوزلاووچیسینینگ اورین باسری جنرال دولت وزیرینینگ ایتیشیچه، حاضرگی کونلرده طالبلرگه قرشی ریجهلنگن عملیاتلر 201 سیلاب قول اردوسی تامانیدن لغمان، ننگرهار و کنر ولایت لریده، 207 هراتده و 209 شاهین بلخده دوام ایتماقده.
کابلده اوتکزیلگن خبری ییغینده جناب وزیرینینگ ایتیشیچه، مذکور وزیرلیک کندز دشت ارچی تومنیده طالب لرگه قرشی کورهشیش اوچون تیارگرلیک آلگن.
جنرال وزیریگه کوره، اوتکن 24 ساعتده طالبلر افغانستان بویلب 33 هجوم اویوشتیرگن. اونینگ ایتیشیچه، اوتکن 24 ساعتده حربی کوچلر 49 طالبنی اولدیرگن و باشقه 9 طالب یرهلنگن.
انهشوندهی دولت وزیری، هوایی کوچلر ظرفیتی یوقاری کیتگنیدن خبر بیریب کوپیتیریشیچه، اوتکن 24 ساعتده بو کوچلر 65 اوروش و ترانسپورتی اوچوونی عملگه آشیرگن.
عین حالده، ایچکی ایشلر وزیرلیگی سوزلاوچیسی صدیق صدیقینینگ ایتیشیچه، اوتکن بیرهفته جریانیده پولیس کوچلری نورستان وانت وایگل، کندز دشت ارچی و بدخشان یمگان تومنلرینی طالبلردن تازهلگن.
صدیقینینگ کوپیتیریشیچه، کندز چهاردره تومنی قیین چیلیگی حل بولگن و اولر بو تومننی قیتهدن طالبلرنینگ اورنی بولمسلیگی اوچون سعی و حرکت قیلهدی.
ایتیلیشیچه، اوتکن هفته افغانستان امنیتی کوچلری مملکت بویلب طالبلرگه قرشی 75 بیرگهلیک عملیات نی عملگه آشیرگن.
