ننگرهار ولایتینینگ امنیتی رسمیلری، مذکور ولایت بهسود تومنیده، تورت کیچه آلدین یوزبیرگن واقعهگه ایکی کیشی عیبلنیب توتیلگنیدن خبر بیرهدی. اولرنینگ ایتیشیچه، اوشبو کیشیلر واقعه یوزبیرگن محل تیکشیریلیشیگه توسیق بولگن.
تورت کیچه آلدین (یکشنبه کیچه) اوچ کیشی بیر اویگه مهمان بولیب و یریم کیچه اوی ایگهسینینگ برچه عایله اعضاسینی اولدیریب و قاچیب کیتهدی. هلاک بولگنلر بیش باله، ایکی عیال و بیر ایرکک بولیب و عیاللردن بیری حاملهدار ایکن.
آتی فاش ایتیلیشینی ایستمهگن بیر امنیتی رسمینینگ سلاموطندارگه ایتیشیچه، مذکور ایکی کیشی فرصتدن فایدهلنیب، قضیه امنیتی کوچلر تامانیدن تیکشیریلیشیگه توسیق بولیب و واقعه محلیدن ایاق ایزینی یوقاتیش خصوصیده، سعی و حرکت قیلگنلر.
اوشبو امنیتی رسمیگه کوره، عیبلنگن کیشیلر واقعه محلیده توشیب قالگن بیر مبایلنی قولگه آلیب و جنجل تشلهگن. اونینگ ایتیشیچه، مذکور کیشیلر توتقونگه آلگن و حاضر تیکشیروو آستیده قرار تاپگن.
شونینگدیک، اوتگن (سهشنبه کون) نمایندهلر کینگشی، اوشبو واقعهنی کیچیریم سیزدیب و عامللری تیزلیکده توتقونگه آلینیشینی سورهگن. ایتیلیشیچه، اوشبو واقعهسبب، یشاوچیلر مذکور ولایت بلند مرتبهلی رسمیلریدن بیرقطاری چیتنلتیریلیشینی سورهگن.
