_Copy1.jpg)
غور ولایتینینگ لعلو سرجنگل تومنینینگ 45 دن آرتیق قیشلاغی امنیتی تهدیدگه روپهره بولیب تورگن.
لعلو سرجنگل تومنینینگ یشاوچیلریدن بیرقطارینینگ سلاموطندارگه ایتیشیچه، مذکور تومنده داعش و طالبان گروهی چیگرهیی منطقهلرنی ناتینچ قیلیش اوچون سعیو حرکت قیلهدیلر.
اولر، امنیتی ادارهلردن اوشبو ولایتدهگی داعش و طالباننینگ حرکتیگه توسیق بولیشینی طلب قیلهدیلر.
لعلو سرجنگل تومنی یشاوچیسی عارف وفایینینگ ایتیشیچه، سونگی کونلرده مذکور تومنده داعش و طالبان گروهی اهالیدن عشر و زکات ییغهدیلر.
اوشبو تومن یشاوچیلریدن باشقه بیری امید توانانینگ ایتیشیچه، داعش و طالبان گروهی اولرنینگ یوریشیگه توسیق بولهدیلر.
.jpg)
بو موضوعنی تصدیقلگن لعلو سرجنگل تومنینی امنیه قومندانی ناظر حسین معاوننینگ ایتیشیچه، حاضر فیروز کوه شهرینینگ مرغاب منطقهسی، سرپل و دایکندی ولایتلری بیلن چیگرهداش بولگن 45 دن آرتیق قیشلاق داعش و طالبان گروهینینگ تهدیدیگه روپهره بولیب تورگن.
جناب معاوننینگ ایتیشیچه، مذکور تومندهگی امنیتی کوچلرنینگ حربی جهازی، بو گروهلرگه قرشی کورهشده ییترلی ایمس و بو مسئله توغریسیده، امنیتی بلند مرتبهلی رسمیلردن جدی شکلده دقت قیلیشلرینی سورهیدی.
بیراق، غور حاکمی سوزلاوچیسی عبدالحی خطیبی، بیریلگن بیاناتلرنی رد قیلیب ایتیشیچه، لعلو سرجنگل تومنی مذکور ولایتنینگ تینچ تومنلریدن سنلهدی و حاضرگچه داعش و طالبلرنینگ تهدیدی توغریسیده، اولرگه هیچ بیر گزارش کیلمهگن.
غور حاکمی سوزلاوچیسینینگ کوپهیتیریشیچه، مذکور تومنده هرقندهی ناتینچلیک یوز بیرگن صورتده، امنیتی کوچلر، عصیانچیلرنی نابود ایتیشگه اقدام قیلهدی.
لعلو سرجنگل تومنی امنیتی رسمیلرینینگ ایتیشیچه، اوتگن ییل هم عصیانچی گروهلر، بو تومننینگ شمالی قیشلاقلریدن بیرقطاری گه هجوم قیلیب، بیر قیشلاقنی اوتگه یاندیریب و نیچه قیشلاق اهالیسینینگ بار و یوقینی تالان قیلگن ایکن.
