تخار ولایتینینگ پولیس تشکیلاتیدن 12 عیال پولیس چیقاریلدی. مذکور ولایتنینگ عیاللر ریاستی باشلیغی رزمآرا حواشنینگ ایتیشیچه، اوشبو ولایت پولیس تشکیلاتیدن عیال پولیسلرنی چیقاریب و امتیازلرینی ایرککلرگه بیرهدی.
خانم حواشنینگ ایتیشیچه، تخار پولیسینینگ قطعهلریده جنسی تبعیض بار و بوندهی بولمهگنده تومنلرده کوپینچه عیاللر پولیس بولیش اوچون علاقه کورستگنلر.
شونینگدیک، تخار پولیسینینگ سوزلاوچیسی خلیل اسیر، پولیس تشکیلاتیدن عیاللر چیقاریلگنینی تَن آلهدی، بیراق ایتیشیچه، اولر وظیفهلریده حاضر بولمهگنلری سبب، ایشدن آلینگن.
عین حالده، تخار پولیس قومندانلیگیدن گزارشده آتی فاش ایتیلیشینی ایستمهگن بیر عیال افسرنینگ ایتیشیچه، پولیس تشکیلاتیدن چیقاریلگن بوتون عیال پولیسلر تومنلرده وظیفه قیلیش گه حاضرلر، بیراق مسؤوللر خبر بیرمسدن اولرنی پولیس تشکیلاتیدن چیقارگن.
تخار ولایتینینگ پولیس تشکیلاتیده عیال عسکر اوچون 38 بست موجود.
