مدنی جماعهچیلیک ادارهلرینینگ بیر قطار اعضالری طبیعی حادثه قربانلری توغریسیده دولتنینگ قیلمیشینی تنقید قیلیب، سونگی کونلرده یوز بیرگن ییر قیمیرلشده زیان کورگنلرگه یاردم ییتکزیشده شفافیت نظرده توتیشی لازم دیگنلر.
جاری هفته دوشنبه کونی 7.7درجه ریشتر ییر قیمرلش نتیجهسیده افغانستاننینگ بعضی ولایتلری قوشیمچه منطقه دولتلریدن ایریم لرینی تیترتدی. افغانستان حکومتی نینگ بلند مرتبهلی رسمیلری حادثهدن بیر کون سونگ اوشبو کوچلی ییر قیمیرلش نتیجهسیده 9 ولایتده جانی و مالی تلفات ییتگن لیگینی معلوم قیلدی.
مدنی فعاللردن بیری احمدشاه استانکزینینگ کابلده اوتکزیلگن بیر خبری ییغینده ایتیشیچه، بوندن ایکی ییل آلدین بدخشان ولایتیده یوز بیرگن ییر قیمیرلشده زیان کورگن عایلهلرگه دولت تامانیدن کورسه تیلگن کومکلر ایریم بلند مرتبهلی رسمیلر تامانیدن حیف و میل ایتیلدی.
جناب استانکزیگه کوره، زیان کورگن خانهدانلرگه یاردملر ییتکزیب بیریلیشی اوچون افغانستان حکومتی عدالت و شفافیتنی نظرده توتیشی لازم.
شونینگدیک مدنی فعاللردن باشقه بیری مهندس قادر یشش بنالرنینگ زمانوی قوریلمهگنی، طبیعی حادثهلر بارهسیده اهالینینگ معلوماتی یوقلیگی و ایسکی اویلرنینگ موجودلیگی بوندهی واقعهلرده تلفاتلر سانی یوقاری کیتیشگه سبب بولهدی دیگن.
اونینگ سوزلریگه قرهگنده، یشش محلده تورت قوتدن آرتیق بنا قوریشگه هیچ کیم حقلی ایمس، لیکن حاضر ییش محللرده کوپینیچه آدملر اون قوتدن آرتیق تورر بنالر قورگنلر.
جناب قادر، طبیعی حادثهده زیان کورگنلر یاقیلغی مادهلر، ییگولیک آذیق آوقت، کییم – کیکچگ، دارو و باش پنهگه جدی احتیاجلری بارلیگینی ملعوم قیلگن.
عین حالده، طبیعی حادثهلرگه یتیشیش بوییچه دولتنینگ وزیری ویس احمد برمکنینگ بیلدیریشیچه، بو ییل طبیعی آفتده زیان کوره دیگنلر اوچون مخصوص یاردملر ترقهتیلیشی نظرده توتیلگن.
ایریم گزارشلرده، دوشنبه کونی یوز بیرگن ییر قیمیرلشده 115 کیشی حیاتدن کوز یومگن، 538 کیشی تن جراحتی آلگن و7630 ییش او اورته دن کیگن شونینگدیک 20 اداری بنا قوشیمچه 17 مسجد و 12 مکتب نورهب توشگن.
