افغانستان شمالیده جایلشگن فاریاب ولایتینینگ محلی رسمیلری، سونگی اوچ کوندن بیری اسلامی جنبش ینه اسلامی جمعیت حزبلری اورتهسیده یوز بیرگن اوروش عاقبتیده 10 کیشی حیاتدن کوز یومیب باشقه 18 نفر جراحت آلگن دیگنلر. اوروش ولایتنینگ المار تومنیده یوز بیرگن.
افغانستان شمالیده جایلشگن فاریاب ولایتیده شاهین 209- قول اردوسی بیرینچی لواسی نینگ سوزلاوچیسی جگرن محمد رضا، اوچ کوندن بیری المار تومنینینگ چغاتک قیشلاغیده اسلامی جنبش حزبی نینگ قوماندانی بولمیش نظامالدین قیصاری و اسلامی جمعیت حزبینینگ قوماندانی جنرال فاروق اورتهسیده دوام ایتگن اوروشگه بوگون پایان بیریلگنلیگینی ایتگن.
اونگه کوره، حاضر ملی اردونینگ حربیلری المار تومنینینگ جغاتک قیشلاغیده ییرلشگنلر. لیکن، هنوزگچه هم ملی پولیس ینه ولایت مرکزیدن یوباریلگن هیاتلرگه مساله تیکشیریلیشی اوچون رخصت بیریلمهگن دیدی رضایی.
فاریاب ولایتیده جمعیت اسلامی حزبینینگ ولایتی مسوولی اسدالله جمالینینگ سلاموطندار گه ایتیشیچه، اسلامی جنبش حزبینینگ قوماندانلریدن بولمیش نظامالدین قیصارینینگ کیشیلری اسلامی جمعیت حزبینینگ قوماندانلریدن بولگن جنرال فاروقنینگ المار تومنی چغاتک قیشلاغیدهگی یشش اویی اوستیگه هجوم قیلگنلر دیگن.
جناب جمالی، هجوم جنرال فاروق نابود ایتیلیشی اوچون اسلامی جنبش حزبی همده قوراللی طالبلر بیلن هماهنگلیگیده اوتکزیلگن لیگینی ادعا قیلگن. او، اسلامی جنبش حزبی چغاتک قیشلاغیدن اوز کوچلرینی چیقارمهگن تقدیره، اوروش ینه باشلهنیشی توغریسیده آگاهلنتیرگن.
عین حالده، اسلامی جنبش حزبینینگ فاریاب ولایتیدهگی نمایندهسی نظامالدین قیصاری، اوروش بوندن نچه وقت آلدین جنگلر جریانیده اوز ییش اوی جایلریدن آواره بولیبريال میمنه شهریگه مهاجر بولگن خانهدانلر، قیتهدن قیشلاقلریگه بارگن پیتده، جنرال فاروق کیشیلری تامانیدن هجوم آستیگه آلینگن بیر چاغده یوز بیرگن دیگن.
جنبشنینگ بو نمایندهسی، جمعیت حزبینینگ اوروش طالبلر بیلن هماهنگلیکده اوتکزیلگن لیگی بارهسیدهگی ادعاسینی رد قیلگن.
عین حالده، بلخ ولایتینینگ سرپرستی همده اسلامی جمعیت حزبینینگ اجراییه باشلیغی عطامحمدنور، فیسبوک صحیفهسیگه ترقتگن بیاناتده، قوراللی طالبلر اوتگن کیچه المار تومنینی اوز تصرفلریگه آلیش اوچون هجوم قیلگنلری قید ایتیلگن. اما، جنگری طالبلرنینگ بو هجومی فاروق قوماندان رهبرلیگیدهگی دولت مخالفلریگه قرشی عصیان کوتارگن کوچلرنینگ جدی مقاومتیگه روپه ره بولگن دیگن.
اعلامیه ده یازیلیشیچه، قوراللی طالبلرنینگ هجومی آلدی آلینگندن سونگ جنبش حزبیگه قرهشلی قوراللنگن شخصلر غلام فاروق پوستهسیده هجوم قیلگنلیکلری ادعا ایتیلگن. جناب نور، اوروشده ایکّی تامانگه هم تلفات ییتگن لیگینی معلوم قیلگن. شونینگ اولدیریلگنلر ایچیده اسلامی جمعیت حزبینینگ یاشلر کینگشی باشلیغی زمان قاطع بارلیگی هم فیس بوکده یازگن.
شونینگدیک ولایت سرپرستی، اوروش باشلهنیشی بیلن افغانستان ایچکی ایشلر، ملی اردو قوشمه مرکزی قوماندانی، ملی امنیت ادارهسی جریانگه قویلگن لیگیهگه قرهمی، اوروش توخته تیلیشی اوچون بولر هیچ همکارلیک قیلمهگنلر دیگن.
اسلامی جنبش حزبینینگ اعضالریدن همده فاریاب ولایت والیسی انور سادات، جناب نورنینگ بیاناتیده جوابن اوز فیسبوک صحیفه سیگه یازیشیچه، " اعلامیهدن یوقاری یعنی اسلامی جنبش حزبی ینه بو ولایت رهبرلیک هیاتیگه نسبتن عقدهلرنی بوشگن سیز دیگن" او، بلخ ولایت سرپرستیدن فاریاب خلقیگه منفعتی ییتمه گن تقیرده، بو خلققه زیان ییتکزمس لیکنی سورهگن.
اسلامی جنبش حزبی قوماندانی نظام الدین قیصاری سوزلرنی تصیقلهگن جناب سادات، حادثه تیکشیریلیشی اوچون منطقهگه ولایت مقامی تامانیدن هیات یوباریلگن لیگینی معلوم قیلگن. باشقه تاماندن مملکت ملی کوچلری مرکزی قوماندانی قدم شاه شهیم بوگون کابلده بیر خبری انجمن اوتکزیب، اسلامی جمعیت و جنبش حزبلر اورتهسیده یوز بیرگن اوروشنی کوپراق سیایی بیر مساله دیگن.
او، ایکّی حزبنینگ رهبرلریدن قیین چیلیکلرینی حل قیلشنی سورهگن. اونگه کوره، مساله یقیندن اورگهنیلیشی اوچون مرکز کابلدن فاریابگه هیات یوباریلهدی.
