کابل هوایی میدان کیریش ایشیگی قرشیسیده یوزبیرگن پارتلشده، تورت کیشی هلاک و 16 کیشی یرهلندی.
اوشبو حادثه توش چاغیده یوزبیردی و هجومچی پارتلاوچی مادهگه تولدیریلگن موترنی هوا میدانی ایشیگی مقابلیده پارتلهتیب یوبارگن.
ایتیلیشیچه، بو پارتلشده هلاک و یرهلنگنلر ایچیده، ایکی بالههم شامل بولگن.
گزارشلرگه کوره، اوشبو پارتلش هجوم چیت ایللیک کوچلر کاروانی اوتهدیگن چاغده یوزبیرگن. ایچکی ایشلر وزیرلیگینینگ ایتیشیچه، بو توغریده تیکشیروو باشلنگن.
حاضر واقعه محلی امنیتی کوچلر قمراویگه بولگن. حاضرگچه بو واقعه مسؤولیتینی هیچ بیر گروه اوز بوینیگه آلمهگن.
شونینگدیک، باشقه بیرخبرگه کوره، بوگون ساعت 12:30 ده هلمند ولایتی گرشک تومنی بیر خودکش هجومگه گواه بولگن. حاضرگچه قربانلر و یرهلنگنلر توغریسیده معلومات بیریلمهگن.
شونینگدیک، باشقه بیرخبرگه کوره، بوگون ساعت 12:30 ده هلمند ولایتی گرشک تومنی بیر خودکش هجومگه گواه بولگن. حاضرگچه قربانلر و یرهلنگنلر توغریسیده معلومات بیریلمهگن.
کابل هوا میدانی ایشیگی اونگیده یوزبیرگن بوگونکی هجوم، جمعه کوندن بویان کابلده صادر ایتیلگن تورتینچی قانلی حادثه سنهلهدی. پارتلاوچی مادهگه تولدیریلگن لاری موتری شاه شهیدده پارتلهشی، پولیس اکادیمیسی و قصبهده بنگیوارمادهگه قرشی کورهشیش پولیس مرکزی اوستیگه اویوشتیریلگن هجوملر نتیجهسیده 55 کیشی هلاک بولیب و یوزلرچه کیشی یرهلنگن ایدی.
شونینگدیک، شنبه کون 17- اسد قندوز ولایتی خانآباد تومنیده یوزبیرگن پارتلشده 29 کیشی هلاک بولیب و باشقه 19 کیشی یرهلنگن ایدی. بو هجوملر ملاعمر وفاتی ایتیشی و اونینگ اورنیگه ملااخترمحمد منصور رهبر تعین ایتیلیشی بیلن شددتلشماقده.
