بغلان ولایتینینگ محلی بلند مرتبهلی مسووللری ولایتنینگ دهنهغوری تومنی قوراللی طالبلر طرفیدن تصرف ایتیلگن لیگی بارهسیده خبر بیردیلر. ولایت کینگشی نینگ بیر قنچه اعضالری همده محل اهالیسی، تومن قوراللی طالبلر اشغالیگه اوتیشینینگ یگانه سببی " اهالی و حکومت اورتهسیده ایجاد بولگن فاصله" سبب بولدی دیگنلر.
بوندن بیش کوندن بیری منتظم روشده جنگری طالبلرنینگ هجومی آستیده بولگن دهنه غوری تومنی نینگ ایریم قیشلاقلری جنگریلر اشغالیگه اوتگن ایدی.
تومن مرکزینی مدافعه قیلگن افغان ملی کوچلری جنگریلر تامانیدن قملگه آلینگن ایدی. اوشبو قمل سیندیریلیشی اوچون منطقهگه مخصوص افغان کماندو حربیلری سفر بَر ایتیلگنی گه قرهمی، دهنهغوری ولسواللیگی دولت قوراللی مخالفلرینینگ اختیاریگه اوتدی.
محافظت قطعهسینینگ قوماندانی سیدظفرشاه خبرنی تصدیقلب ایتیشیچه، افغان ملی کوچلری حربی جهاز کمبودلیگی بیلن روپه ره بولگنلر. اونینگ سوزلریگه قرهگنده، " اختیاریمیزده بولگن حربی جهازلر بیلن فقط جان قوتقزیشگه موفق بولدیک، حربی جهازلرنی اوزیمیز بیلن بیرگه آلیب چیقدی خلاص"
خبرنی تن آلگن بغلان ولایتینینگ ولایت کینگشی اعضالری، تومن سقوط قیلیشی اوچون نیچه مرته حکومتنی جریانگه قویگنلر، لیکن حکومت مسالهنی جدی انباتگه آلمهگن. ولایتنینگ نمایندهلریدن بیر بسمالله عطاش دهنهغوری تومنی سقوط قیلیشینینگ بیرینچی سببی مرکز حکومت نینگ بیفرق لیگی باعث بولدی دیگن.
تومن جنگریلر قولیگه اوتگن لیگی توغریسیده انیق بیر نرسه دیمهگن ولایت والیسی عبدالستار بارز، افغان ملی کوچلری هلی مدافعه وی حالتده تورگنلر دیگن.
منطقهدن ییتیب کیلگن گزارشلرده دهنه غوری تومنیده روی بیرگن اوروشلرده هنوزگچه افغان ملی کوچلریدن 10 عسکر قربان بولیب، باشقه 12 تهسی تن جراحتی آلگن. شونینگدیک عصیانچی طالبلرنینگ 6 اعضاسی نابود ایتیلیب و 20ته سی یرهدار ایتیلگن.
