طالبلرنینگ جاغوری و مالستان تومنلریدهگی هجوملری نتیجه‌سیده، اوشبو تومن‌لر یشاوچیلریدن کوپ قطاری قوشنی ولایتلر و غرنی ولایتینینگ مرکزیگه بدرغه بولگنلر.
بدرغه بولگنلر غزنی ولایتینینگ مرکزی، بامیان، دایکندی، میدانوردک و کابل ولایت‌لریده جایلشگنلر.
بامیان ولایتیده بدرغه بولگنلرنینگ ایتیشیچه، همکارلیک قیلهدیگن نهادلرنینگ یاردمی ایترلی ایمس؛ بیراق مردمی همکارلیکلر، بدرغه بولگنلرنینگ قیینچیلیگینی حل قیلگن.
کابل و بامیان یشاوچیلریدن بیرقطارینینگ ایتیشیچه، بدرغه بولگنلر اویلریده جایلشگن گهقدر همکارلیکلریگه دوام بیرهدیلر.
بامیان یشاوچیلریدن بیری عذرا و کابل یشاوچیسی امیرنینگ ایتیشیچه، بدرغه بولگنلرنینگ یمان وضعیتینی کورگندن سونگ، یاردم بیریشگه قرار آلگنلر.
کابل یشاوچیلریگه کوره، چیتایللیک مملکتلرده تیریکچلیک قیلهدیگنلردن بیرقطاری جاغوری و مالستان تومنیدن بدرغه بولگنلرگه همکارلیک قیلیشدن وعده بیرگنلر.
اوتگن کونی قیزیل عاج مسووللرینینگ بیر ییغین ارقهلی اعلان قیلیشیچه، جاغوری و مالستان تومنلریدن بدرغه بولگن 600 عایلهگه همکارلیک‌لرینی یوبارگن.
اون، برنج، یاغ، لوبیا، قوروق چای و باشقه قطار مادهلر قیزیل عاج ادارهسی تامانیدن همکارلیک ایتیلگن غذایی مادهلردن دیر.
کمپل، ترپال، چادر و باشقه قطار لوازملر اوشبو نهادنینگ غذایی بولمهگن همکارلیکلریگه شامل دیر.
