جلریزده یوزبیرگن واقعهده حقیقت تاپیش هیأت اعضاسینینگ ایتیشیچه، جلریز واقعهسیده میدان وردک امنیتی مسووللریدن 6 تهسی عیبدار ایکن و بو هیأت مذکور کیشیلرنینگ آتی و معلوماتلرینی جمهورلیک ریاستیده یوبارگن و تیزلیکده اولرنینگ دوسیهلری عدلی و قضایی ادارهلرگه یوباریلهدی.
گزارشلرگه کوره، کمیده بیر آی آلدین میدان وردک جلریز تومنیده محلی پولیس کوچلردن 24 تهسی طالبلر تامانیدن اولدیریلگن ایدی، اولرنینگ آرقهگه چیکیلیشلری اوچون موترلری و نقلیه واسطهلریگه تیلی یوق ایکن.
اوشبو هیأت معلوماتیگه کوره، طالبلر قمراویگه قالگن عسکرلرگه تیزلیکده یاردم ییتکیزیلمهگنی و امنیتی کوچلر اورتهسیدهگی اویغورسیزلیک میدان ولایتی جلریز تومنیده محلی پولیس عسکرلر اولیمیگه سبب بولگن.
جلریز واقعهسی حقیقت تاپیش هیأت باشلیغی محمدیوسف پشتوننینگ (شنبه کون 7- سنبله) کابلده اوتکزیلگن بیرخبری ییغینده ایتیشیچه، محلی پولیس عسکرلری آز جهاز بیلن طالبلرگه قرشی 32 ساعت اوروشگن، بیراق شونچه پیتده یاردمچی کوچ یوباریلمهگن، نتیجهده اولردن 24 تهسی طالبلر تامانیدن توتقونگه آلینیب اولدیریلگن.
اوشبو هیأت گزارشینی بیرقسمیده کیلیشیچه، ملی امنیت ریاستی تورت مرته میدان وردک امنیتی مسووللریگه طالبلر مذکور ولایت محلی پولیس پوستهلری اوستیگه هجوم اویوشتیریشی خصوصیده خبر بیرگن ایکن، بیراق امنیتی مسووللر اوز باشیمچهلیک قیلیب، اوشبو ریاست آگاهلنتیریشیگه دقت قیلمهگن.
میدان وردک ولایتی کینگش باشلیغی احمد جعفری و جلریز واقعهسی حقیقت تاپیش هیأت اعضاسیدن بیرینینگ ایتیشیچه: «بو واقعهده میدان وردک امنیتی مسووللری دقتسیزلیک قیلگن و کمیسیون بو توغریده کوپینچه معلومات قولگه کیریتکن».
اوشبو هیأت اعضاسی، مسووللردن واقعه جنایت چیلرینینگ تیزلیکده جزالهشینی سورهگن.
