بدخشان ولایتی جهادیلر کینگیشی نینگ مسووللری، اوشبو ولایت سقوط عرفهسیده و جهاد قومندانلری اونی مدافعه قیلیش اوچون تیارگرلیک کورگنلیکلرینی ایتگن.
مذکور کینگش سوزلاوچیسی حمیدالله دانشیگه کوره، ولایت مجاهدلری طالبلرنی بو ولایتدن یوق ایتیش اوچون اوز ارا کیلیشیب آلگنلر.
بدخشاندهگی سونگی تینچ سیزلیکلر، ولایت اهالیسینی قتیق خواطرگه سالگن و اوشبو امنیتی تهدیدلر ایسه اولرنی چاره تدبیر کوریشلریگه مجبور قیلگنی ایتیلهدی.
انه شو مناسبت اوچون اهالی تامانیدن اوتکزیلگن ییغینده مساله اوستیده هر تامانلمه بحث آلیب باریلگن.
بدخشان مجاهدلر کینگشینینگ سوزلاوچیسی، ولایتدهگی امنیتی قیینچیلیکلرنی حل ایتیش توغری سیده یولگه قویلگن ییغینده سوزگه چیقیب گپیریشیچه، مجاهدلر حرکتی ملیشهلر حرکتی دیک ایمس، بوندن دولت خواطر لنمسلیگی کیرهک.
دانشینینگ ایتیشیچه، طالبلر برابریده اوروشمهیدیگن قوراللی کیشیلر، مجاهدلر کینگشی آرقهلی قورال سیزلنتیریلهدی.
جناب دانشیگه کوره، مجاهدلر حرکتی هیچ بیر زمان حکومتنی خطرگه روپهره قیلمیدی.
دانشی، عصیانچیلر فیض آبادنینگ بیش کیلومترلیگیده جایلشگن اسپینگل قشلاغیده جراحت آلگن کیشیلرینی دارولش اوچون مرکز ایجاد قیلگنلیکلرینی تیلگه آلگن.
عین حالده، بدخشان ولایتینینگ پارلماندهگی نمایندهسی عبدالولی نیازینینگ ایتیشیچه، خلقنینگ طالبلرگه ضد عصیان کوتاریش ریجهسی بدخشاننینگ قطار قوم بویوکلری تمانیدن بیریلگن و سونگی 3 کونده مذکور ولایت تومنلریدن فیضآباد گه کیلگن 30 کمیته اوشبو کوچلر قندهی باشقریلیشی باره سیده بحث قیلگنلر جناب نیازینینگ قوشیمچه قیلیشیچه، اوشبو مساله جمهور رییس بیلن هم اورته گه قوییلهدی.
شونینگدیک ملی مدافعه وزیرلیگی سوزلاوچیسینینگ اورین باسری دولت وزیرینینگ دوشنبه کونگی بیر خبری اولتیریشده ایتیشیچه، بو حرکتلر اهالینی مدافعه قیلیش نیتده یولگه قوییلگن صورتده حکومت تامانیدن حمایه بولهدی.
لیکن جناب وزیرینینگ آگاهلنتیریشیچه، اوز باشیمچه قوراللی حرکتلرگه رخصت بیریلمهیدی.
گزارشلرگه کوره، بدخشان جهادیلر و نمایندهلریدن تشکیل ایتیلگن ییتی کیشیلیک بیرگروه، اهالی عصیانی خصوصیده لایحه ایشلب چیققنلر.
طالبلرنینگ عزم ناملی عملیاتی باشلنگنیدن کیین، مذکورگروه هجومی شمالی ولایتلرده شدتلنتیریلدی.
سونگی بیر آی ایچیده کندوز و بدخشان ولایتلری طالب تامانیدن هجوم آستیگه آلینگن ولایتلر جمله سیدن. بو ولایتلرده جنگریلر طرفیدن اوتکزیلگن عملیاتلرده ملی پولیسنینگ 18 عسکری هلاک ایتیلگن ایدی.
