جمهور رییس محمداشرف غنی چین اولکه سیدن کیلگن هیأت و سوداگرلربیلن اوتگزگن اوچره شووده سوزگه چیقیش قیلیب ایتیشیچه، افغانستانده سوو ییتکیزیش سیستمی ایسکرگن و ینگی سیستمدن فایده لنگن صورتده، افغانستان 26 مینگ مگاوات سووبرقینی تولید قیلیشگه کوچی ایتهدی.
جناب غنینینگ کوپهیتیریشیچه مذکور برقدن نه فقط افغانستان، بلکیم منطقه اولکهلری اینیقسه هندو پاکستانده هم کیرهکلی برقی شوییردن صادر ایتیلهدی. جمهور رییسگه کوره، هند و پاکستان هم بوتوغریده افغانستان بیلن برق تولید ایتیش خصوصیده علاقه کورستگن.
جناب غنی اوتگن آقشام کیش قورونده جمهورلیک سراییده اوتکزگن اوچره شوویده سوو، شمال و پیتاب برقیگه اشاره قیلیب ایتیشیچه، افغانستان ایریم منطقه سیده، ییلده 250 کون شمال موجود و بو اوزی شمال برقینینگ تولید قیلیشگه یخشی زمینه دیر.
جمهور رییس افغانستاننی سوو، پیتاب و شمال برقینینگ تولید قیلهدیگن مناسب محل ایکنلیگیگه اشاره قیلدی، و«افغانستانده 80 دن 150 مینگ مگاوات پیتاب برقی تولید بولهدی»
کیله سی اون ییلده ییریک مس و تیمیر صادرقیله دیگنلریدن بیری
شونینگدیک جمهور رییس حاضرگه قدر افغانستان زیرخاکی منبعلریدن 33 فایزی کشف ایتیلگن باره سیده ایتیشیچه، افغانستان کیلهسی اون ییلده دنیا بویلب مس و تیمیر صادر قیلهدیگن ییریک اولکهلردن بولیشی ممکن.
جمهور رییس غنی افغانستان طبیعی منبعلری خصوصیده یخشی جعرافیایی موقعیتده لیگیگه اشاره قیلیب ایتیشیچه، ایچکی و تشقی سوداگرلر اوچون افغانستانده یخشی فرصتلر یره تیلهدی و مذکور فرصتلر و پالیسیلر چین دولتینینگ شرایطی بیلن یقینلیگی بار.
جمهورلیک سرایدن ترقه تیلگن خبرنامهده کیلیشیچه، جمهور رییس غنی چینی هیأتگه قرهتیب، افغانستاننینگ جنوبی، مرکزی و شرقی آسیا اولکهلرینی بیراویگه قوشیش گه کوچی ایتهدی و بو قوشیلیش شوپیتده بولهدی که؛ افغانستان زیربنالری ایشلب چیقاریلسه دیگن.
جناب غنیگه کوره، حکومت نینگ کوپلب تمرکزی، تیمیریول تمدید بولیشی، گاز لوله لری، یوللرتوزه تیلیشی، ایکینچیلیک و سوو ییتکیزیش سیستمی عصری ایتیلیشی و ینگی نسل یخشی اورگه نیش بولیملریگه دیر.
جناب غنی نینگ ایتیشیچه، اوشندهی که افغانستان اوزی ایکینچیلیک اولکهسی دیر، اما کوپلب ایکینچیلیک محصولاتی باشقه اولکه لردن کیلتیریلهدی. او، حکومت افغانستاننی خودکفا قیلیش توغری سیده مناسب لایحه لرنی کوزگه توتگن و کوکنار اورنیگه افغانستانده یخشی بدیل تاپسه دیدی.
شونینگدیک جمهور رییس، افغانستان سوداگرلیک بولیمیگه اهمیت بیرهدی و شو اوچون هم حکومت اولکه شهرلری نی یوکسلتیریش و ینگی بناقوریش سیستمی نی ینگیلش اوچون کورشهدی دیگن.
جمهور رییس چین دن کیلگن هیأت اعضاسیگه ایتیشیچه، افغانستان چین اولکه سی نینگ ساختمان توزه تیش تجربه لریدن فایده لنیشگه علاقه کورستهدی و شو اوچون افغانستان تامانیدن بیرهیأت چین باریب چینلیکلرنی افغانستانده سرمایه یاتقیزیشی اوچون انیق محلنی بوتوغریده کوزه تیب و چین بیلن ایریم کیلیشیکلرگه قول قویسه لر.
جمهور رییس ییگیتلر کوچینی اولکه سرمایه سی عنوان قیلدی و مسلکی اورگه نیش، اورگه نیش بولیمیده ینگی اوزگریشلر کیلتیریش خصوصیده تأکید قیلدی.
