هلمند ایکینچیلیک ریاست رسمیلرینینگ بیلدیریشیچه، اوتگن ییلگه قرهگنده، ولایتده گلآفتابپرست حاصلاتی 40 کوپیگن.
هلمند ایکینچیلیک ریاستی اوستیرهدیگن بولیم مدیری فضلمحمد حبیبینینگ ایتیشیچه، بو ولایتده گلآفتابپرست ایکیلیشی اوچون 300 هکتار ییر اجرهتیلگن.
حبیبیگه کوره، هلمند ایکینچیلرینینگ مذکور گیاه ایکیش بارهسیده تشویق قیلهدیلر و اولر اوچون گلخانهلر ایجاد ایتیب، ییل فصللریده گلآفتابپرست ایکیش زمینهسینی یره تهدیلر.
مذکور گیاه کوپراق هلمند ولایتینینگ مارجه و نادعلی تومنلریده ایکیلیب کیلماقده.
نادعلی تومنی یشاوچیلرینینگ ایتیشیچه، بوگیاه سووگه هم اونچه احتیاجلیگی بولمهگن و باشقه گیاهلردن کوره، ایکینچیلر توجهسینی اوزیگه آلگن.
اهالیگه کوره، هر بیر جریب ییر 60 من حاصل بیرگن و هر بیر من 350 افغانیگه بازارلرده ساتیلگن.
ایش بیلرمانلرگه کوره، اوشبو گیاه ترویج بولگن صورتده، ییلب کوکنار ایکیلیشیدن 20 فایز آلدی آلینیشی ممکن.
ایکینچیلیک ایش بیلرمانی حبیبالرحمان واکملنینگ بیلدیریشیچه، گلآفتابپرست ایکیش ایشی ساده ایکن و ییرنی هم بوزمیدی. جناب واکمل گه کوره، کوکنار اورنیگه گلآفتابپرستدن ایش آلسه بولهدی.
گلآفتابپرست بیر ییللیک گیاه بولیب 3 مترگچه اوسهدی. بو گیاه دنیا بویلب تاپیلهدیگن گیاهلردن. گلآفتابپرست تخمیدن یاغ چیقاریلیشی بیلن تورلی آوقت پیشیریشگه ایش آلینهدی.
مذکور گیاه تخمی کوچلی بولیب، 24 فایز پروتینی ماده قوشیمچهسی بار، 47 فایز یاغ چیقهدی، هایدروکاربن مادهسیدن 20 فایز، 8 فایز فاسفر، پتاشیم9 فایز و کوپلب A و B ویتامینلری موجود.
گلآفتابپرستده 70 فایز اسید لینوییک و کوپلب فاسفو لیپید و E ویتامینی موجود و شو اوچون هم بو گیاه یاغیدن استفاده قیلگنلر، قان کسللیگیگه آز یولیقهدی.
هلمند ولایتیده شو پیتده گلآفتابپرست حاصلاتی 40 فایز یوقاری کیتهدی که حکومت و جهانی جامعهسی نیچه ییلدن بویان بو ولایتده کوکنار اورنیده ایکیلهدیگن گیاه قیدیریب کیلماقده ایدیلر.
