خوست ولایتینینگ زازی تومنیده هیچ بیر طالب یوق دیر؛ بیراق اوتکن 14 ییلده ملی اردودهگی 1600 یاش ییگیتی قربان بولگن.
اوشبو تومن خوست ولایتینینگ یوز کیلومترلیگیده قرار تاپگن و پاکستاننی کُرمه ایجنسی قبایلی منطقهسی بیلن چیگرهداش بولگن.
خوست والسی سوزلاوچیسی محمد مبارز زدراننینگ سلاموطندارگه ایتیشیچه، اوتکن 14 ییلده زازی میدان تومنی طالبلرگه قرشی ملی اردو صفیگه کوپلب قربانلیک بیرگن.
شونینگدیک خوست پولیس قومندانی فیضالله غیرت اوشبو رقمنی تأیید قیلیب ایتیشیچه، بو رقم لرنی 13 ییلدن بویان توپلهگنلر.
زازی میدان یشاوچیلرینینگ ایتیشیچه، اوشبو تومن عیاللریدن کوپینچهسی اوغلی، ایری و ایناغهلرینی قولدن بیرگن، حاضر روحی کسللیکدن رنج ییلتهدی و حاضرگه قدر کیمسه اولرنینگ دارولش خصوصیده، هیچ ایش قیلمهگن.
آتی فاش ایتیلیشینی ایستمهگن آنهنینگ ایتیشیچه، انچه پیت آلدین 22 یاشر اوغلی طالبلرگه قرشی امنیتی کوچلر اوروشیگه هلاک بولگن و انه شو سبب، حاضر روحی و عصبی کسللیککه چالینگن.
اوشبو داغ کورگن آنه، مذکور تومننی اوزاق منطقهسیده جایلشگن بیر منطقهده ایری، تورت بالهسی، بیوه سینگلیسی و اونینگ بالهلری بیلن حیات کیچیرهدی. سینگلیسینینگ ایری هم طالبلرگه قرشی ملی اردو اوروشیده هلاک بولگن.
اوشبو عیالنینگ ایتیشیچه، عایلهسیدن ایکی کیشی اولگنیدن کیین، حیات کیچیریش اولر اوچون قتیق بولگن.
شونینگدیک اونینگ ایتیشیچه، عزیزلرینی اولکهدن دفاع قیلیش و خذمت یولیده قولدن بیرگنلریدن راضی دیر، بیراق عایلهسینینگ نان کیلتیرگیچی اوغلی هلاک بولگنیدن سونگ، هیچ قندهی یاردم قولگه کیریتمهگن. اوشبو داغ کورگن آنهنینگ کوپهیتیریشیچه، بیرینچیدن حکومت تامانیدن یاردم بیریلیشی خصوصیده امید قیلر ایدی؛ بیراق حاضر تینگریدن باشقه کیمسهدن امید قیلمهیدی.
اوشبو آنهنینگ ایتیشیچه، افغانستاندهگی موجود قیینچیلیکلرنی حل ایتیش کلیدی، حکومتدن حمایه ایتیش دیر و خلقدن کیلهجک آیدینلیگی خصوصیده، حکومتدن حمایه ایتیشلرینی سورهدی.
باشقه تاماندن، اوشبو عیالنینگ ایری تورموش اورتاغینی روحی کسللیگی توغریسیده خواطر بیلدیریب و یاردم بیرووچی ادارهلردن یاردم سورهیدی.
