حکومتنینگ اجراییه باشلیغی عبدالله عبدالله، برقی کیملیک ترقهتیش ادارهسینینگ ایشدن آلینگن ایکی یوز ملازمی، ایشدن بوشهتیلگنلیکلری اوچون آچیقلیک سورهگنلیکلرینی ایتگن.
جناب عبدالله نینگ بوگون دوشنبه وزیرلر کینگشیده ایتیشیچه، مذکور ادارهنینگ ایشدن آلینگن ملازملری بیلن بولگن اوچرهشووده اولردن بو بارهده شکایت قیلگنلیکلرینی ایتگن.
عبدالله، مذکور شخصلرنینگ ایشدن آلینگنلیکلرینینینگ دلیلی انیقلهنیشی لازم. جناب عبدالله بو مساله اوستیده بوگون افغانستان جمهور رییسی محمد اشرف غنی بیلن صحبت قیلیشینی ایتگن.
شونینگدیک جناب عبداللهگه کوره، ایش آلینگن کیشیلر ناراضیلیک نمایشگه قول اورماقچی بولگنلر، اما موضوع یاروتیلیشی اوچون اولرگه بیر هفته فرصت بیریلگن.
داکتر عبداللهعبدالله، مذکور شخصلرنی ایشدن بوشه تیلگنلیگی فنی یاده سیاسی بولیشی انیقلهنیشی کیرهک دیگن.
بوندن بیر هفته آلدین برقی کیملیکلر ترقهتیش ادارهسینینگ 800 ملازمی هیچ قندهی بیر دلیلسیز مذکور اداره تامانیدن ایشدن بوشه تیلگن ایدی.
اوشبو ادارهنینگ رویخطگه آلووچی ریاست باشلیغی زمری باهر سلام وطندار بیلن صحبت قیلیب، مذکور اداره نینگ ملازملری ایشدن آلینگنلیگینینگ سببی خارجی کومکلر توختهتیلگن لیگی سبب دیگن.
جناب باهرگه کوره، دنیا جماعهچیلیگینینگ بو ادارهگه کورستهدیگن ایریم بولیملردهگی یاردملر توختهتیلگن.
ایریم بولیملردهگی یاردملرهم قیسقرتیریلگن.
اونگه کوره، اوشبو اداره ملازملرینینگ آیلیگینی تولش امکانیتیگه ایگه ایمس.
بوندن نیچه وقت آلدین برقی کیملیکلرنی ترقهتیش لایحهسینی مالی حمایت قیلهدیگن خارجی ادارهلر برقی کیملیکلرنی ترقهتیش عملده باشلنمهگن حالدهَ، اوز یاردملرینی کیسیشدن خبر بیرگن ایدی.
بولرگه قرهمی افغانستان جمهور رییسی محمد اشرف غنی اوتگن هفته برقی کیملیکلرنی ترقهتیش اداره ریسی بیلن بولگن ملاقاتده برقی کیملیکلرنی سیناوولی توزیع ایتیلیش جریانی بیر هفتهده باشلهنیشی نی ایتگن ایدی.
ایتیلیشیچه، برقی کیملیکلرنی عملده ترقهتیش جریانی کیلگوسی 90 کون ایچیده کابلده باشلنهدی.
