ظاهر قدیرگه تیگیشلی بولگن ملیشهلر قومندانی ملک دهقاننینگ سلاموطندارگه ایتیشیچه، نازیان تومنینینگ مورچل منطقهسیده ظاهر قدیر ملیشهلری و داعش جنگره لری آرهسیده یوز بیرگن آتیشمه نتیجهسیده، کمیده 10 داعش هلاک ایتیلیب و باشقه 4 تهسی قولگه آلینگن.
جناب دهقان گه کوره، ملیشهلردن 2 تهسی هلاک و باشقه 4 تهسی یرهلنگن.
عینحالده ننگرهار حاکمینینگ سوزلاوچیسی عطاالله خوگیانینینگ سلاموطندارگه ایتیشیچه، مذکور ولایت نازیان تومنیده مردمی کوچلر و داعش گروهی آرهسیده صورت تاپگن آتیشمه نیتجهسیده 8 داعش هلاک و باشقه 3 تهسی قولگه آلینگن. جناب خوگیانی گه کوره اوشبو آتیشمهده مردمی کوچلردن 2 تهسی هلاک و باشقه 2 تهسی یرهلنگن.
داعش گروهی حاضرگچه بو توغریده صحبت قیلمهگن.
