.JPG)
پروان ولایتیده انچه پیتدن بویان انتقام آلیش قتللر رقمی کوپهیگن. بیراق ینگیلیکده پروان پولیس قومندانلیگینینگ سلاموطندارگه ایتیشیچه، برچه انتقام آلیشلر و ترماغلی قتللر آرقهسیده حکومت قوراللیلریدن بیرقطارینینگ قولی بار.
پروان پولیس قومندانی جنرال محمدزمان مموزینینگ سلاموطندارگه ایتیشیچه، گناهسیز یشاوچیلرنینگ اولیمیگه قوراللی کیشیلر عیبلنگن و اولردن کوپینچهسی امنیتی کوچلر صفیده خذمت قیلیب کیلماقده. جناب مموزیگه کوره، مذکور کیشیلر بوش چاغلریده جنایی جرمگه قول اورهدی و اوندن کیین، امنیتی کوچلر صفیگه قوشیلهدی.
ایتیلیشیچه، انچه پیت آلدین کاپیسا ولایتیده بیر پولیس بیلن باشقه نیچه تینچ اهالی اورتهسیده لفظی قرهمه قرشیلیک یوزبیرگن چاغیده، پولیس بیش کیشینینگ اوققه توتیب، قاچیب کیتهدی. شونینگدیک، باشقه ایکی ایری واقعهگه، ننگرهار پولیس عسکرلریدن بیری چاریکار شهری یقینیده اوچ تینچ اهالینینگ آتیب اولدیرهدی. باشقه بیر پولیس غزنیدن پروان کیلیب بیر انتقام آلیش واقعهده بیش کیشینینگ اوققه توتهدی.
جنرال مموزیگه کوره، عسکرلیک رخصتیسیده، امنیتی کوچلر قولیدن قورال و باشقه حربی جهازلر آلینیشی لازم و اولرگه قورال کوتریش و باشقه حربی انشاعاتلردن فایدهلنیشگه رخصت بیریلمسلیگی کیرهک.
.jpg)
شونینگدیک پروان ولایتی کینگشینینگ اعضاسی و اوشبو کینگش امنیتی کمیته مسؤولی عبدالمتین قدوسینینگ ایتیشیچه، ناقانونی قوراللی کیشیلر آچیق شکلده پروان امنیتی کوچلرینینگ حضوریده جنایتگه قول اوریب زور ایتهدیلر. جناب قدوسیگه کوره، ناقانونی قوراللی کیشیلر، پروان تانیقلی کیشیلرینینگ آتی و وظیفهسیدن فایدهلنهدی و شونینگدیک، بو ناقانونی قوراللی کیشیلر آرقهسیده کیم بولگنینی کیمسه فاش ایتهآلمهیدی.
ایتیلیشیچه، ناقانونی قوراللی کیشیلر، چاریکار چوکی، بگرام صیادی و سیدخیلدیک منطقهلرده جای آلگن و 10 منطقهده حربی کمیتهلر تشکیل بیرگن. اوشبو قوراللی کیشیلر بیش و آلتی کیشیلیک گروهده موترسایکللردن فایدهلنیب، محل خلقینینگ ایچیده باریب و اولرگه زور کورستهدی.
عین حالده، پروان پولیس قومندانینینگ ایتیشیچه، اوشبو گروهلرنی یوقاتیش اوچون ایریم لایحهلرنی قولگه آلگن، بیراق یشاوچیلر بو ادعالرگه اونچهلیک ایشانمهی ایتیشیچه، بو لایحهلر عملی شکلده مذکور ولایت امنیتی وضعیتی یخشیلنیشی خصوصیده، هیچ قندهی ایجابی تأثیر تشلمهگن.
پروان یشاوچیلرینینگ ایتیشیچه، ناقانونی قوراللی کیشیلر، قوراللی طالبلرگه قرهگنده کوپراق پروان خلقینینگ جانیگه قصد قیلهدی و یشاوچیلرنینگ اصلی دشمنی اوشبو قوراللی کیشیلر و دولتی طرافدارلری دیر.
