تخار محلی مسووللری نینگ ایتیشلریچه، اوشبو ولایت نینگ خواجه بهاوالدین تومنیده طالبان هجومی نتیجهسیده، مردمی کوچلردن 14 تهسی هلاک و یرهلنگن.
تخار حاکمی سوزلاوچیسی جواد هجری نینگ سلاموطندارگه ایتیشیچه، طالبان جنگریلری اوتگن کیچه ساعت 30 : 12 ده اوشبو ولایت نینگ خواجه بهاوالدین تومنیده مردمی کوچلر قومندانی ملک احمد تاتارگه تیگیشلی پوستهلر اوستیگه هجوم قیلگن.
جناب هجریگه کوره، اوشبو واقعهده مردمی کوچلر اعضالریدن 10 تهسی هلاک و باشقه 4 تهسی یرهلنگن.
تخار حاکمی سوزلاوچیسی نینگ کوپهیتیریشیچه، امنیتی کوچلر و طالبان آرهسیده صورت تاپگن آتیشمهلر عاقبتیده، طالبان جنگریلریدن 6 تهسی هلاک و باشقه 4 تهسی یرهلنگن.
بیراق، کیملیگی سیرقالیشنی ایستهگن مردمی و امنیتی منبعلرنینگ ایتیشلریچه، خواجه بهاوالدین تومنیده طالبان قیزیل قطعهسی نینگ هجومی نتیجهسیده، مردمی کوچلردن 14 تهسی هلاک و باشقه 3 تهسی یرهلنگن.
منبعگه کوره، اوشبو واقعهده چیگره کوچلریدن هم بیرقطار هلاک و یرهلنگن دیر.
خواجه بهاوالدین، تخار ولایتی نینگ ناتینچ تومنلریدن بیری دیر و 1399- ییل باشلنگندن حاضرگهقدر مردمی کوچلردن کمیده 100 تهسی طالبان هجومی سبب هلاک و یرهلنگنلر.
