قانون حکومت تامانیدن ایاغ آستی ایتیلگن

جدی آیی‌نینگ 14- دن 21-سیگچه افغانستانده اساسی قانون هفته سی دیب ناملگن. مذکور هفته‌دن افغانستان بویلب ملی بیرلیک حکومتی اساسی قانون‌نینگ حقوقی فهم بوییچه خلاسی بولگن بیر پیت‌ده نشانلنه‌دی.

افغانستان دولتی هر ییل ییریک ییغین‌لر اوتکزیب مذکور هفته‌نی نشانلیدی. شونینگ‌دیک حکومت رسمیلری هم افغانستان‌ده اساسی قانون عمل‌ده تطبیق ایتیلیشی‌دن سوز بیریب کیله‌دیلر.

 بو ییل افغانستان اساسی قانونی‌نینگ تصدیق‌لنگن لیگی‌گه 12 ییل تولدی. مذکور قانون بیر جلد، 12 فصل و 162 ماده اساسیده 1382- ییل قوس آیی‌نینگ 14 سیده لویه جرگه تامانیدن تصدیقلنگن ایدی.

اساسی قانون‌نی نظارت قیلیووچی اداره مسوول‌لریگه کوره، اوشبو قانون کینگ مقیاسی‌ده حکومت اداره‌لریده ایاغ آستی بولگن. مذکور کمیسیون اعضالریدن بیری ابوبکر متقی‌گه کوره، افغاستان خلقی‌دن آلیب دولت رسمیلری قانون‌نی آیاغ آسیتگن قیلگن‌لر.

 افغانستان اساسی قانونی‌نی تصدیق‌لش اوچون اوتکزیلگن لویه جرگه اشتراکچی‌سی همده سیاسی تحلیل‌چی کبیر رنجبرنینگ سلام‌وطندارگه ایتیشیچه، سابق جمهور رییس حامد کرزی حکومتی زمانی‌ده قانون شخصی منفعت‌لر اوچون آیاغ آستی بولگن ایدی. اما، غنی حکومتی‌ده توشینم‌لسلیک‌دن بو قانون ایاغ آستی ایتیله‌دی. او، جمهور رییس‌غنی حقوقی مصلحتچی‌سینی قانون‌نی درست شکلده بیلمس‌لیگینی بیلدیرگن.

جناب رنجبرگه کوره، اساسی قانون‌نی نظارت قیلووچی کمیسیون، قانوننی ایاغ آستی قیله‌دیگن‌لر بیلن جدی یانده‌شیش کیره‌ک. قانون شوندهی‌‌لیگیچه ایاغ آستی ایتیلسه کیله‌جکده یامان پیامیدی بار دیگن رنجبر.

حقوقی و سیاسی ایش بیلرمان‌لرگه‌کوره، افغاسنتان اساسی قانونی منطقه‌ده‌گی جامع قانونلردن سنه‌له‌دی، اما اهالی هر دایم قانون حکومت آرقه‌لی آیاغ آستی ایتلیشی‌دن شکایت قیلیب کیله دیلر.

عین حالده، جناب متقی افغانستان‌نینگ حاضرگی شرایطی‌نی نظرده توتگن حالده، مملکت اساسی قانونی گه اوزگریش کیریتیش ممکن ایمس دیگن.