جمهور رییس محمداشرف غنی نینگ لوگرده قیلگن سفریده، ولایت یشاوچیلریگه مس عینک کانلرینی ایشلب چیقاریش ایشی چینلیکلر بیلن قیته باشلنهدی دیگن.
اوتگن جمعه کونی جمهور رییس کوپلب کابینه اعضاسی بیلن لوگر ولایتیده امنیتی وضعیت، یخشی حکومتدارلیک و اهالی قیینچیلیگینی سوریشتیرگنی باریب، لوگرده جایلشگن کان بارهسیده چین جمهورلیک سرایی اورین باسری بیلن صحبت قیلگن و اوشبو کیلیشمه قیته باشلنهدی دیگن.
شونینگدیک جناب غنی نینگ ایتیشیچه، بو کان کیلیشوویگه اوزگریش کیلیشی بیلن ایشلب چیقاریش ایشی باشلنهدی.
غنی، تاریخی آثارلر بارلیگی، اوروشلردن قالگن ماینلر، ییرملکیتی و مس عینک کانی امنیتی قیینچیلیکلری حل ایتیلگن دیب کوپهیتیرهدی.
جمهور رییس دولت ایشلاوچیلری، امنیتی نهادلر مسؤوللری و نمایندهلر بیلن کوروشگندن کیین، امنیتی کوچلرگه ییر غاصبلرینی قولگه آلیب قانونگه تاپشیریش بویروغینی بیردی.
ولایت اهالیسی و دین عالملری تامانیدن نمایندهلیک قیلیب صحبت قیلگن مولوی اسدالله حنیف ملی بیرلیک حکومتیدن حمایتلرینی بیلدیریب، ولایت برچه تومنلریده عالملر کینگشی والی نینگ سرپرستلیگی بیلن ایجاد ایتیلیشینی سورهدی.
لوگر عیاللریدن بیری عنیطا حلمی نینگ ایتیشیچه، ولایت ایریم تومنلریده قیز مکتبلری یاپیلگن و شونینگدیک لوگر عیاللری کوپلب اقتصادی قیینچلیکلر بیلن روپهره بولگنلر. او، جمهور رییسدن ولایت عیاللری اقتصادی اوستیریش بارهسیده لایحهلر ترتیب بیریشینی سورهدی.
جمهور رییس غنی شوپیتده لوگرده بارهدی که شو سونگی پیتلرده بو ولایت امنیتی وضعیتی یمان بولیب ایریم منطقه سیده طالبلر نظامی عملیاتی دوام ایتیب بارماقده.
