پارلمان اعضالریدن بیرقطاری، مملکت حاضرگی وضعیتی توغریسیده خواطر بیلدیریب ایتیشیچه، امنیتی وضعیت کونسایین یامان بولماقده و امنیتی رسمیلر بو توغریده دقت قیلمهیدی.
پارلمان اعضالریدن بیری نقیبالله فایق، بوگون دوشنبه مجلس ییغینیده ایتیشیچه، اوتکن 10 ییل دوامیده طالبلر بونچه ایلگری کیلمهگن و بو نیچه آی جریانیده طالبلر اوتکن 10 ییلگه قرهگنده ایریم ولایت لرده کوپراق ایلگری کیلگن.
او، کندز ولایتیده طالبلر هجومی توغریسیده اشاره قیلیب و بو واقعهنی دولت اوچون شرملی دیگن.
بیراق، پارلمان اعضالریدن باشقه بیرقطاری امیریکه و بریتانیا ایلچیلری بیلن صحبت اوتکزیلیشینی ایتیب اورغولشیچه، اولردن امنیتی کیلیشوو توغریسیده سورهلیشی لازم.
پارلمان نمایندهلریدن بیری زمرک پادخوابینینگ ایتیشیچه، اولر مملکت یشاوچیلریگه امید بولیب قالگن و هیچ قچان دولت کابینهسی بیلن معامله قیلمهیدی.
شونینگدیک مجلس باشلیغی عبدالرؤوف ابراهیمی، کندز، بغلان، هملند، پکتیا و باشقه بیرقطار ولایت لر امنیتی وضعیتینی خواطرلی بیلیب و اصلی دلیلینی امنیتی رسمیلر دقت سیزلیگی دییدی.
جناب ابراهیمی، کندز والیسینینگ دولتگه قرشی قوراللی عصیانچیلردن حمایت ایتیشگه عیبلب و مذکور ولایت یشاوچیلری بو کیشیدن بیزارلیگینی ایتکن.
بو توغریده کندز والیسینینگ نظرینی آلیش اوچون تکراراً سعی و حرکت قیلدیک، بیراق نتیجه بیرمهدی.
پارلمان نمایندهلری نیچه مرته امنیتی وضعیت توغریسیده خواطر بیلدیرگن، دیمک مجلس نیچه مرته امنیتی رسمیلر چقیریلیشینی تیلگه آلگن، بیراق بو موضوع زمان اوتیشی بیلن ایسدن چیقگن.
عین حالده، امنیتی رسمیلرنینگ چقیریلیشی بوگون مجلس ییغینیده بیان ایتیلدی.
