واشنگتنده پاکستان باش وزیری نوازشریف طالبلرنی مذاکره میزیگه تارتیش بارهسیده و اوشبو گروه تامانیدن تینچلیک مذاکرهلر نامعلوم وقتگچه آرتگه قالگنی بارهسیده گپیرگندن کیین، حاضر افغانستان دولتی تینچلیک مذاکرهلر قیته اوتکزیلیشی اوچون آتیش کیسینگه احتیاج بار دیگن.
عالی تینچلیک کینگشینینگ تشقی علاقهلر مصلحتچیسی اسماعیل قاسمیارنینگ سلاموطندارگه ایتیشیچه، طالبلر بیلن مذاکره قیلیش اوچون افغانستان دولتی بیلن طالبلر اورتهسیده آتیش کیسین اعلان ایتیلیشی کیرهک. جناب قاسمیارگه کوره، تینچلیک مذاکره اوچون پاکستان صادق ایمس دولت ایسه توغریدن – توغری بو مملکتنی نظرده توتمسدن طالبلر بیلن مذاکره ده اشتراک قیلسین دیگن.
جمعه کونی امریکه جمهور رییسی بارک اوباما بیلن ملاقات قیلگن پاکستان باش وزیری بیر پیتده هم طالبلرنی اولدیریش همده اولرنی مذاکرهگه تارتیش ممکن ایمس دیگن. تامانلر ارا اوتکزیلگن توقسن دقیقهلیک ملاقاتدن کیین طالبلردن توغریدن – توغری افغانستان حکومتی بیلن مذاکرهگه اولتیریشنی سورهگن.
نوازشریفنینگ بو اظهاراتلری افغانستانده جدی عکسالعمللرگه روپه ره بولدی. پاکستانستان دولتی هر دایم تینچلیک مذاکرهسی اوچون طالبلرنی مذاکره میزیگه تارتیشدن سوز بیرگن، لیکن افغانستان حکومتی هر دایم پاکستاننی ایکی تامانلمه سیاستگه عیبلب کیلگن.
بوگون (یکشنبه) جمهور رییس سوزلاووچیسینینگ اورین باسری ظفرهاشمینینگ بیر خبری ییغینده ایتیشیچه، تینچلیک مذاکرهسینینگ ایشیگی قوراللی طالبلر یوزیگه آچیق. اما تینچلیک مذاکرهلر قیتهدن باشلهنیشی اوچون ایریم شرط طالبلر تامانیدن قبول ایتیلسین دیگن. اونگه کوره، اون تورت ییل جریانیده قولگه کیریتیلگن یوتوقلر و اساسی قانون تن آلینیشی افغانستان حکومتینینگ اساسی شرطلریدن بولگن.
باشقه تاماندن حکومت اجراییه ریاستی باشلیغی عبدالله عبدالله، پاکستان جنگریلرگه بولگن همکارلیگینی توختمهگن حالده، تیچلیک مذاکرهلر قیته باشلنمسلیگینی ایتگن ایدی.
عین حالده، خلق ارا سیاسی تحلیلچی لیطف نظری نینگ سلام وطندارگه بیلدیریشیچه، بو مرته افغانستان حکومتی ینگی موضع دن پاکستاننی جریانگه قویمسدن طالبلر بیلن مذاکره قیلهدی. جناب نظری، پاکستان باش وزیری امریکه جمهور رییسی بارک اوباما بیلن ملاقات قیلگن دن کیین بو مملکت طالبلرنی قنچهلیک تینچلیک مذاکرهگه تیار قیلیش مسالهسی یاروتیلدی.
شونینگدیک سنا مجلس اعضالری هم نواز شریفنینگ افغانستان بارهسیده بیلدیرگن اظهاراتینی تنقید قیلگنلر. مجلس اعضالری هیچ بیر زمان افغانستان حکومتی پاکستاندن طالبلرنی اولدیریشنی سورهمهگن.
افغانستان ملی بیرلیک حکومتی تاسیس ایتیلگدن کیین رسمی کابل – اسلام آباد علاقهسی یخشی لندی، بیراق افغانستانده ترورچیلر فعالیتی آشیشی ایکی مملکت سیاسی علاقهسیگه سلبی تاثیر تاثیر قالدیردی.
