طالبلر بلند مرتبهلی رسمیلریدن طیب آغا رهبرلیگیدهگی هیات اوچ کونلیک سفر ایران گه باردی.
طالبلرنینگ سوزلاووچیسی ذبیح الله مجاهدگه کوره، اوشبو سفرده افغانستان نینگ حاضرگی وضعیتی، اسلام دنیاسی و مذکور مملکتده گی افغانستان مهاجرلری نینگ وضعیتی اوستیده بحث ایتیلهدی.
سیاسی ایش بیلرمانلردن بیری عصمت قانع، طالبلرگه سیاسی اراده بولمهگنی سبب دنیا و منطقه استخبارات ادارهسی تامانیدن سوء استعمال بولیشلرینی ایتگن.
جناب قانعگه کوره، ایران طالبلر تامانیدن امیریکه گه قرشی اوروشدن حمایت قیلهدی. اونینگ کوپیتیریشیچه، طالبلردن نه فقط ایران بلکیم خلیج فارس اطرافیدهگی مملکتلر و پاکستان استخباراتی ایش آلهدی.
جناب قانع نینگ ایتیشیچه، ایران بو مرته طالبلر و خلیج فارس حوزهسی اطرافیدهگی مملکتلر و پاکستان استخبارات علاقهلری توغریسیده مذکور گروه بیلن بحث اوتکزیشی ممکن.
باشقه تاماندن سیاسی ایش بیلرمانلردن بیری کابل خان تدبیر نینگ ایتیشیچه، طالبلردن حمایت ایته یاتکن اولکهلر حاضرگی کونلرده طالبلرنینگ اوز اختیاریگه قویگن.
جناب تدبیرنینگ کوپیتیریشیچه، ایران و طالبلر علاقهسی مسکو، تهران و ینگی دهلی علاقهلری باعث اورتهدن کیتکن ایدی، حاضر ایسه اوشبو علاقهلر قیته دن یخشی بولماقده.
مذکور سیاسی ایش بیلرمانگه کوره، طالبلرنینگ بیرقطاری ایریم مملکتلر حمایتی شونینگدیک ایران حمایتی بیلن منطقه استخباراتینی قولگه آلیشنی ایستهیدی.
عین حالده، ایران تشقی ایشلر وزیرلیگی، مذکور اولکهده طالبلرنینگ قیلگن سفری توغریسیده ترقتیلگن گزاشنی رد ایتیب ایتیشیچه، مذکور گروه نینگ هیچ بیر اعضاسی بو اولکه گه کیلمهگن.
ایران تشقی ایشلر وزیرلیگینینگ سوزلاوچیسی مرضیه افخم، بو گزارش نی شایعهدن بولک نرسه دیمه گن.
اجتماعی و سیاسی مسلهلر تحلیلچیسی فردوس کاووش نینگ ایتیشیچه، ایران نینگ استخباراتی مذکور مملکت رهبرلیگی آیت الله خامنه ای قولیده بولگن حکومت هیچ بیر ایش قیله آلمهیدی.
شونینگدیک بیرقطار ایش بیلرمانلرگه کوره، افغانستانده داعش گروهی حضوری، طالبلر و ایراننی خواطریگه سبب بولگن.
