افغانستان جمهور رییسینینگ یخشی حکومت چیلیک و اصلاحات بوییچه مخصوص نماینده سی احمد ضیا مسعود نینگ ایتیشیچه، قار یامغیر یاغمه گنلیگی سبب کیلگوسی ییلده قورغاقچیلیک یوز بیریشی کوتیلهدی.
جناب مسعود بوگون سهشنبه حوت آیی نینگ 5- سیده تشقی و ایچکی یاردم کورسه تووچی ادارهلرنینگ ییغینده قیلگن نطق سوزیده ایتیشیچه، کیلگوسی ییلده یوز بیره دیگن قورغاقچیلیک اوچون لازم چاره تدبیر کوریلمه گن حالده، افغانستان اولکن قشاقلیک و کمبغللیککه روپه ره بولیشی مملکن.
جناب مسعود برچه یاردم کورسته دیگن تشکیلاتلردن افغانستان دولتی بیلن بوساحه ده همکار بولیشلرینی سوره گن. اونگه کوره، اوشبو طبیعی حادثه اینیقسه قورغ چیلیککه قرشی کوره شیش لازم.
بوخصوصده خواطر بیلدیرگن جمهور رییس نینگ یخشی حکومت چیلیک و اصلاحات بوییچه نماینده سی، شاشیلینچ حالتلرده یاردم ییتکزیب بیریش اوچون قوشمه کمیسیون تشکیل ایتیلیشی حقیده خبر بیرگن.
جناب مسعود نینگ بیلدیریشیچه، تیگیشلی ادارهلر طبیعی واقعه نتیجه سیده یوز بیره جک سلبی پدیدهلر آلدی آلینیشی اوچون تیار ایکن لیکلریدن سوز بیرگن. عین حالده، جناب مسعود، ایچکی و تشقی یاردم کورسه تووچی تشکیلاتلردن اوشبو مسله اوچون جدی بولیشلری باره سیده تاکیدله گن.
عین حالده، ایکینچیلیک مساله سی بوییچه متخصص سید منتظر شاه هاشمزی نینگ سلام وطندار گه ایتیشیچه، کیلگوسی ییل اوچون قورغ چیلیک خطری موجود. جناب هاشمزی نینگ بیلدیریشیچه، دولت قورغاق چیلیککه قرشی کوره شیش اوچون لازم تیارگرلیک آلیشی کیرهک.
شونینگ دیک جناب هاشمزی، بو کونلردهگی یاغینگرچیلیکلر دیمه ییرلر، اینیقسه بوغدای ایکینلریگه فایدهلی بولگن لیگینی تیلگه آلگن.
اونگه کوره، سونگی کونلرده یاغینگرچیلیک بولمه گن تقدیرده ایدی، قورغاق چیلیک جدی تهدید سنلردی. اونگه کوره، بو یاغینگرچیلیکلر مملکت شمالی همده غربی ولایتلردهگی ایکینلر اوچون ایجابی تاثیر بار.
سونگی ییللر اینیقسه 1390- ییلده یوز بیرگن قورغاق چیلیک افغانستانلیک ایکینچیلرگه جدی زیان ییتکزیگن ایدی. ایتیلیشیچه، اوشبو ییلده میلیونلب انسان آذوق آوقت تنقیص لیگیگه دوچار بولگن.
افغانستان، میلادی 2001- ییلدن بویان انده – سنده جدی قورغاق چیلیک بیلن روپه ره بولگن.
