دایکندی محلی مسئوللری نینگ ایتیشلریچه، بوگون ایرتهلب بیر «فلانکوچ» موتری دایکندی ولایتیدن قندهار تامان کیتهدیگن بیرچاغده، مذکور ولایت ناوهمیش تومنینینگ مشترک بازاری یقینلیگیده ماین گه دوچ کیلگن.
سلاموطندارگه صحبت بیرگن ناوهمیش تومنی ولسوالی حاجیبال خان نینگ ایتیشیچه، طالبلر تامانیدن جایلشتیریلگن ماین نینگ پارتلشی نتیجهسیده، 8 تینچ اهالی هلاک و باشقه 3 تینچ اهالی تن جراحتی کوتارگن.
اونگه کوره، حادثه قربانیلری دایکندی ولایتینینگ ناوهمیش، کیتی و خدیر تومنی یشاوچیسی دیر.
ناوهمیش تومنی ولسوالینینگ کوپهیتیریشیچه، بوگون ایرتهلب ساعت 3 دن بویان امنیتی کوچلر و طالبلر آرهسیده آتیشمه دوام ایتیب کیلماقده و مذکور آتیشمهده امنیتی کوچلردن بیرتهسی یرهلنگن.
شو توغریده:
کابل شهری نینگ 10- حوزهسیده یوز بیرگن پارتلشده 18 کیشی یرهلنگن
جلالآباد شهریده ایکی پارتلش نتیجهسیده، 3 کیشی هلاک و 19 کیشی یرهلنگن
عین حالده، شونینگدیک دایکندی پولیس قومندانی غلامسخی غفوری امنیتی کوچلر و طالبان آرهسیدگی آتیشمه نی تصدیقلهیدی، بیراق کوپهیتریشیچه، مخابراتی ترماقلرنینگ ایش بیرمهسی باعث، قربانیلریدن بیللی رقم قولگه کیلمهگن.
اوتگن کون مملکت جنوبیده ناتو قومندانی جنرال براون دایکندی رسمیلری بیلن اوتکزگن صحبتده اوشبو ولایت نینگ خوفسیزلیگی تامین ایتیلیشی ناتو کوچلری نینگ بیرینچی ایشلریدن دیگن بیرحالده، مذکور ولایت نینگ ناوهمیش تومنیده آتیشمه باشلنگن.
