بغلان امنیه قومندانلیگینینگ سرپرستی جنرال محمد عوض نذیرینینگ ایتیشیچه، بوگون جمعه ایرتهلب دندغوری طالبلری، محل یشاوچیلریدن بیرینینگ یرهلنتیرگن، بیراق مذکور ایرککنینگ تورموش اورتاغی ایری دن دفاع قیلیش اوچون تشقری گه چیقیب، نیچه دقیقهلیک توقنهشوودن کیین، طالبلرنینگ قومندانینی اولدیریب و باشقه 11 اعضاسینی جراحتلنتیرگن.
جناب نذیریگه کوره، محلی طالبلرنینگ الماس ناملی قومندانی، جنگریلریگه ییگولیک آذیق و آوقت ییغیش اوچون، چشمهشیر منطقهسینینگ یشاوچیلریدن باج آلر ایکن و اوشبو بغلانلیک عیالنینگ ایری پول بیرمهگنی اوچون، الماس اونی اوققه توتگن.
شونینگدیک، دندغوری طالبلرینینگ تانیقلی قومندانلریدن بیری خاما (اژدها) اوشبو واقعهده یرهلنگنی ایتیلهدی.
بغلان امنیه قومندانینینگ ایتیشیچه، مذکور عیالنینگ عایلهسی تینچ منطقهده انتقال بیریلگن و شونینگدیک، یرهلنگن کیشی کسلخانه یوباریلگن.
بو بیرینچی مرته کیم، بغلان ولایتیده قوراللی طالبلرنینگ نظارتیده بولگن منطقهده، بیر عیال، اوشبو گروهنینگ زورهوانلیگیگه قرشی توریب و اولر بیلن اوروشگن.
