افغانستان بوییچه بیرلشگن ملتلر تشکیلاتی نینگ اورین باسرلیک هیأت دفتری یا-ده یونامانینگ اعلان قیلیشیچه، جاری میلادی ییل نینگ اپریل آییده طالبان گروهی و دولتی کوچلر تامانیدن اویوشتیریلگن عملیاتلر نتیجهسیده تینچ اهالی قربانلری اوتگن ییل عین زمان گه نسبتن کوپهیگن.
بوگون «سهشنبه، 30- ثور» یوناما تامانیدن نشر قیلینگن اعلامیه ده ایتیلیشیچه، داعش گروهی نینگ خراسان بولیمی مسؤولیت آلگن سونگی هجوملر شامل می آیی ده بولگن زوروانلیک میزانی توغریسیده جدی خواطرلر موجود.
مذکور اداره نینگ اعلامیهسیده کیلیشیچه، طالبان گروهی اپریل آییده تینچ اهالی قربانلریدن 208 قضیه نی مسؤولی بولگن و بو رقم میلادی 2019- ییل نینگ اپریل آیی گه نسبتن تینچ اهالی قربانلری 25% کوپهیگنینی کورستهدی.
یوناماگه کوره، میلادی 2020- ییل نینگ اپریل آیی ده افغانستان امنیتی کوچلری گه نسبت بیریلگن تینچ اهالی قربانلری نینگ رقمی 172 تینچ اهالی بولگن و بو رقم اوتگن میلادی ییل نینگ اپریل آیی گه نسبتن 38% و جاری میلادی ییل نینگ مارچ آیی گه نسبتن 37% کوپهیگنینی کورستهدی.
یونامانینگ اورغولشیچه، افغانستانده تینچ اهالی نینگ قربانلری آشگنی و زیان برابریده تینچ اهالی سقلهنیشی اوچون اوروش خلق ارا قانونلری نظرگه آلینمهگنی اوچون تیزلیککه اوروش توختهتیلیب و قیتهدن تینچلیک مذاکرهلریگه دقت قیلینیشی کیرهک.
افغانستان بوییچه بیرلشگن ملتلر تشکیلاتی نینگ باش کاتبینی خاص نمایندهسی دیبرا لاینزنینگ ایتیشیچه: «مین اوروش توختهتیلیشینی ایستهیمن و اوروشچن گروهلردن تینچ اهالی نینگ جانلری سقلهنیشی اوچون انسان دوستلیک خلق ارا قانونی گه حرمت قیلیشلرینی طلب قیلهمن.»
شونینگدیک، اونینگ کوپهیتیریشیچه، طرفلر تینچ بیر ییچیم یول تاپیش اوچون بیرلهشیب و بوتون افغانلرنینگ حیاتینی سقلهشی کیرهک و اوروش یکونلنیشی خصوصیده، اهالی نینگ امیدینی نابود قیلمسلری لازم. خانم لاینز، تیزلیککه افغانستانلیکلر ارا مذاکره باشلهنیشی اوستیگه تأکیدلگن.
یونامانینگ اعلامیهسیده کیلیشیچه، اوتگن هفته کابل شهری نینگ دشت برچی منطقهسیده جایلشگن کسلخانه اوستیگه اویوشتیریلگن هجوم شامل بیرینچی اپریل دن بویان بو اداره ساغلیک ایشلاوچیلریدن 15 تهسی طالبانیدن اوغیرلنگنی، ساغلیک ایشلاوچیلری تهدید قیلینگنی و افغانستان امنیتی کوچلری تامانیدن ساغلیک جهازلری تالان قیلینگنینی مستند قیلگن.
یوناما تامانیدن می آییده رویخط گه آلینگن اساسی واقعهلر، کابل شهری نینگ دشت برچی منطقهسیده جایلشگن کسلخانه اوستیگه اویوشتیریلگن هجوم نتیجهسیده 24 تینچ اهالی هلاک ایتیلگن و بولردن کوپینچهسی عیال کسللر بولیب و بیرقطار چقهلاقلر آنهسیز قالگن و داعش گروهی نینگ خراسان بولیمی مسؤولیت آلگن ننگرهارده جنازه مراسم ده یوز بیرگن هجوم ده 19 کیشی هلاک و باشقه بیرقطار کیشیلر یرهلگن.
شونینگدیک، گردیز شهریده یوز بیرگن پارتلش مسؤولیتینی طالبان گروهی بوینیگه آلگن و اونده 33 تینچ اهالی یرهلنگن و بلخ ده دولتی کوچلرنینگ هوایی هجومی نتیجهسیده 9 تینچ اهالی هلاک و باشقه 13 تینچ اهالی یرهلنگن.
بیرلشگن ملتلر تشکیلاتی نینگ ایتیشیچه، ساغلیک مرکزلری و ساغلیک ایشلاوچیلری شامل تینچ اهالی اوستیگه قصدی شکلده اویوشتیریلگن هجوم اوروش جنایتی سنلهدی.
یونامانینگ اعلامیهسینی باشقه بیر بولیمی ده کیلیشیچه، ساغلیک ایشلاوچیلری و مرکزلری هجوم برابریده خاص شکلده حمایه بولیشی کیرهک.
بیرلشگن ملتلر تشکیلاتی، برچه طرفلردن قرهمه-قرشیلیکلردن وازکیچیشلرینی سورهگن. چونکه، بو موضوع افغانستانلیکلر ارا مذاکره باشلهنیشی خصوصیده، ایشلهدیگن افغانلرگه یاردم بیرمهیدی. شونینگدیک، مذکور اداره نینگ ایتیشیچه، سونگی هفتهلرده برچه طرفلرنینگ «عیبلاولی و یامان بیانیهلری» سلبی و منفعتسیز بولگن.
