ایتیلیشیچه سهشنبه کونی 20 دن آشه راق آلتی موتر یوللاووچیسی، غزنی ولایتی نینگ جاغوری تومنیدن مرکز تامان کیلماقده ایکنلر، ولایت قرهباغ تومنی نینگ چولیده قیدگه آلینگنلر.
سلاموطندارگه ییتیب کیلگن معلوماتلر اساسیده، مذکور قیدگه آلینیش بیرقیزنی اویدن قاچیریب، اردو کوچلری نینگ پوسته سیگه یاشیریلگن لیگیگه قرشی تینچ اهالی تامانیدن یوللاووچیلر قولگه آلینگن.
مذکور قیز اویدن قاچگندن سونگ قرهباغ تومنی نینگ زردالو منطقه سیدهگی اردوکوچلری نینگ پایگاه سیده یاشیریلگن لیگی ایتیلگن.
یوللاووچیلرنی قیدگه آلگن اهالی، قاچیریلگن قیز قیتیب بولرگه تاپشیریلمه گن صورتده اوتیش – قیتیش یولنی توسه دیلر و قیدگه آلینگن یوللاووچیلر هم قویب یوباریلمه یدیلر.
غزنی ولایتی کینگش اعضالریدن بیری، ولایت امنیت آمری اسدالله انصافیدن نقل قیلیب ایتیشیچه، قیدگه آلینگن یوللاووچیلر قویب یوباریش اوچون تلاشلر دوامی بار.
او نینگ ایتیشیچه، شوحاضر قاچیریلگن قیز پولیس قولیده ایکن و اونینگ اهالیگه تاپشیریشلری بیلن قیدگه آلینگن یوللاوچیلرنی قویب یوباریشگه کورشه دیلر.
گزارشلرگه کوره، قیدگه آلینگنلر ارا عیاللر و بالهلر هم موجود و قیدگه آلگنلر مذکور یوللاوچیلرنی تاغگه آلیب چیقگنلر.
جناب انصافی هم بوخبرنی تایید قیلدی؛ اما بوتوغریده انیق معلومات بیریشگه حاضر بولمهدی.
