پاکستان تشقی ایشلر وزیرلیگی افغانستان حکومتی و طالبان حرکتی اورتهسیده اوتکزیلهدیگن تینچلیک مذاکرهلرنینگ ایکینچی دوری آرتده قالگنلیگیدن خبر بیرگن. مذکور وزیرلیک تنیچلیک مذاکرهلرنی آرتده قالگنی اوچون ملا محمد عمر وفاتینی سبب قیلیب کورستگن.
پاکستان تشقی ایشلر وزیرلیگینینگ سوزلاووچیسی قاضی خلیلالله نینگ ایتیشیچه، انه شو سبب افغانستان حکومتی بیلن طالبلرنی اولتیریش مسالهسی آرتده قالگن.
افغانستان حکومتی و طالبان حرکتی بیلن بوگون پاکستان یا چینده تینچلیک مذاکرهلرنینگ ایکینچی اولتیریشی اوتکزیلیشی ریجهلنتیریلگن بیر چاغده ملامحمد عمر وفات قیلگنلیگی تصدیق لنماقده.
عینحالده، ملامحمدعمر وفاتیگه عاید خبرلر نشرایتیلگندن سونگ طالبلر گروهی رهبرلیگی «ملااخترمحمد منصور»نی اوشبو حرکت ییتکچیسی اولهراق تعین قیلگنلر. ملااخترمحمد منصور بوندن آلدین «ملابرادر» مذکور حرکتنینگ رهبری ایتیب تعینلگن بیر چاغده اوشبو گروهنینگ ییتکچیسی صفتیده تیعنلنماقده.
ایتیلیشیچه، ملااخترمحمدمنصور پاکستان حکومتی بیلن یقین علاقهسی بارلیگی همده افغانستان و طالبلر ارا تینچلیک مذاکرهلر اوتکزیش اوچون طرفدار شخصلردن بولگن. ایریم گزارشلرده افغانستانده قوراللی طالبلرنینگ بلند مرتبهلی رسمیلرینینگ آلگن قراری اساسیده، قوراللی طالبلر حرکتینینگ ایکینچی کیشیسی بولمیش ملااخترمحمد منصور بو حرکتنینگ ینگی رهبری ایتیب تعینلنگن.
شونینگدیک سراجالدین حقانی همده هیبتالله آخوندلر ینگی رهبرنینگ اورین باسرلری تعین ایتیلگنلر. بوندن آلدین نشر ایتیلگن گزارشلرده «ملابرادر» اوشبو حرکتنی رهبری اولهراق تعین ایتیلیشی بیلدیریلگن ایدی.
قندهار ولایتینینگ یشاووچیسی بولگن ملا اختر محمد منصور طالبلر زمانیده مذکور حرکتنینگ هوا یوللر وزیرلیگی لوازمیده وظیفه قیلگن. شونینگدیک طالبلر توزومی آغدریلیشی بیلن اوشبو گروه نینگ قندهار اوچون والیسی تعین ایتیلگن.
عینحالده، بعضی گزارشلرده، ملااختر محمد منصور ملا محمد عمر اورنیگه تعین ایتیلیشی طالبلر حرکتی اورتهسیده ایریم قرمه قرشیلیکلرنی توغدیرگنلیگی ایتیلهدی. اما، طالبلر تامانی هنوزگچه بو بارهده بیرار نرسه دیمهگن.
