اوزلرینی فرخنده تَنیشتیرگن مینگلب کیشی، بوندن نیچه کون آلدین قرآن کریمنی کویدیرگنلیک عیبی بیلن کابلده عضبلنگن بیر گروه اهالی تامانیدن تاشلهنیب اولدیریلگن فرخنده اوچون عدالت سورهگنلر.
اوشبو نمایشده «بیز فرخنده، عدالت عدالت، بیز عدالت سورهیمیز» دییه شعارلر تیلگه آلینگن. اعتراضچیلر اوتگن کون مسعود چهار راههسیدن عالی محکمه قرشیسیگچه یوریش قیلدیلر.
نمایشچیلرنینگ هر بیری اوزینی فرخنده تَنیشتیریب، یوزلرینی غضبلنگن اهالی آرقهلی کلتکلنگن فرخندهنینگ یوزی کبی قیزیل بویه گنلر.
مذکور نمایشده مملکت نینگ تَنیلگن شخصیتلری، مدنی جماعه چیلیک فعاللری و و کابللیکلر اشتراک قیلگنلر.
اوشبو نمایشده قتنشگن ملی خوفسیزلیک ادارهسی نینگ سابق رییسی امرالله صالح فرخنده قاتللری اوچون اوز نفرتینی اظهار قیلیشگه کیلگن لیگینی تیلگه آلگن. او، عدالت سورهگن. شونینگ دیک صالح برچه کیشیلر جملهدن مذکور خانیمنی اولدیریب اوتگه یاندیرگن لردن تارتیب اونینگ اولدیریلگن لیگینی آلقیشله گنلرگهچه قانونگه تاپشیریلیشینی ایتگن.
نماییشچیلردن پارلماننینگ اعضاسی فوزیه کوفی، کیلهجک لرده بو قبیل واقعهلر تکرار بولمسلیگی اوچون قاتللر آغیر جزالهنیشینی سورهگن.
شونینگدیک اعتراضچیلردن باشقه بیر خانیم نینگ ایتیشیچه، فرخندهنینگ اوچی آلینیشی اوچون قاتللر حکومتگه ایمس، بلکه اهالیگه تاپشیریلیشی کیرهک.
باشقه بیرخاتین حادثهنینگ عامللری فرخنده اولدیریلگن ییرده دارگه تارتیلیشینی سورهگن.
فرخندهنینگ اولدیریلیشی قطار کیشیلرنینگ تیزده قضاوت قیلیب خوش قرشیلشلریگه سبب بولدی. اخبارات و مدنیت وزیرلیگینینگ نشرات معینی سیمینعزلحسنزاده، وزیراکبرخان مسجد امامی ایاز نیازی، کابل پولیس قوماندانلیگینینگ سوزلاووچیسی حشمت استانکزی و سنا مجلسینینگ اعضاسی زلمی زابلی لر واقعهنی خوش قرشیلهگنلردن.
شونینگدیک اعتراضچیلر فرخنده اولدیریلگن لیگینی خوش قرشیگهلگن شخصلر لوازملریدن چیتلهتیلیشینی طلب قیلگنلر.
فیض محمد عثمانی: فرخنده بیر قطار سوادسیز ملالر جهالتی نینگ قربانی بولگن.
دین عالملری و حج و اوقاف وزیرلیگی موفقی
کابلده ییغین اوتکزگن دین عالملر کینگشی نینگ اظهاراتیگه کوره، برچه دین عالملری مذکور واقعهنی حمایت قیلمهگنلر. بیر کیشی اوچون بوتون دین عالملری اهانت بولمسلیگی کیرهک. اسلام مقدس دینی حتی مرتدلر اوچون اوچ کون مهلت نظرده توتگن، مساله اوچون تورته جاهل و عضبلنگنلرنینگ عکسالعملی اسلام قدریتلریگه فتور ییتکزمسلیگی لازملیگی تاکیدلنگن.
دین عالملرینینگ مذکور ییغینیدن سونگ، افغانستان حج و اوقاف وزیرلیگی فرخنده قتل ایتیلگن لیگیگه عکسالعمل بیلدیریب ییغین اوتکزگن.
حج و اوقاف وزیری فیض محمد عثانی فرخنده قطار سوادسیز ملالر جهالتی نینگ قربانی بولگن لیگینی اظهار ایتگن. جناب عثمانی، اوشبو وزیرلیک فرخنده اولدیریلگنلیگی نینگ بیرینچی ساعتلریده اونی گناهسیز لیگینی پیقهگن.
جناب عثمانیگه کوره، مذکور قیزنینگ اولدیریلیش حکمینی صادر قیلیش اوچون حادثه ییریده هیچ بیر دین عالمی بولمهگن لیگینی تیلگه آلگن.
شونینگدیک جناب عثمانی قیضه نینگ اصلی عامل بولگن تعویذ یاووچیلری مملکتنینگ برچه مسجدلریدن ییغیلیشینی ایتگن: «اوتگن کون شاه دوشمشیره مسجدی نینگ اوشبو تعویذ یاووچیلریدن تازهلهدیک، بو جریان افغانستان بوتون مسجدلرده عملی ایتیلهدی.»
27 یاشر فرخنده قرآن شریف کویدیرگنلیک عیبی بیلن اوتگن هفته کابلده عضبلنگن بیر گروه اهالی ارقهلی کلتکلهنیب و تاشلهنیب هلاک ایتیلیب کویدیریلگن ایدی. بو مساله دنیا اینیقسه افغانستانده جدی عکسالعمللرگه روپه ره بولدی.
فرخنده واقعهسیده قولی بارلیککه گمان سیرهب هنوزگچه 19 کیشی حبسگه آلینگن.
هرات، بلخ و کابل ولایتلریده اهالی فرخندهنینگ قاتللری دارگه تارتیلیشینی سورهگنلر.
