افغانستان شمالشرقیده جایلشگن تخار ولایتینینگ پولیس قوماندانی آغاگل قطغنی، مجرملر جدی جزالهنیشی باره سیده اوزی قیتیق قرار آلیشینی ایتگن.
8- مارچ کونی مناسبتی بیلن اوتکزیلگن ییغینده چیقیش قیلگن ولایتنینگ امنیه قوماندانی قطغنی نینگ اوشبو ییغیندهگی خاتین قیزلرگه ایتیشیچه، عیاللرگه قرشی زوروانلیک حاللرینی عملگه آشیره دیگنلر بیلن جدی معامله قیلهدی.
سابق جهادی قوماندانلردن بولگن قطغنی تندخویلیک بیلن خلق ایچیده تانیلیگن. اونینگ ایتیشیچه، عدلی همده محکمهلر جنایتچیلر بیلن درست یانده شمی اولرنی کلتکله میدی. او، مجرم قولگه آلینیشی بیلن محکمه همده عدلی ادارهلرگه یوباریلمسدن آلدین اوزیم کونگلیم ساووتیب کلتکلب جزا لیمین دیگن.
تخار امنیه قوماندانی، مجرم قولگه آلینگندن کیین هر ایشدن آلدین اوزیم دادیگه ییتمه من دییه آگاهلنتیرگن. عین حالده، شمالشرق زونینینگ انسان حق حقوقلری بوییچه اداره رییسی حیاتالله امیرینینگ بیلدیریشیچه، شکنیچه و کلتکلهنیش نتیجه سیده قولگه کیلگن اعتراف هیچ قندهی اعتباری بولمیدی. حیاتالله امیریگه کوره، مذکور موضوع اوشبو اداره تامانیدن تیکشیریلهدی.
شونینگدیک جناب امیری تخار پولیس قوماندانی قانونگه قرشی عمل قیلماقچی بولهدی. افغانستان ایریم مجرملر و واقعهلرده عیبلنگنلر بیلن قندهی یانده شیشی اوچون خلق ارا میثاقلر همده فرمانلرگه تابع دیر. انسان حق حقوقلرینینگ خلق ارا اعلامیه سیگه کوره، هیچ بیر اداره مجرمنینگ گناهی ثابت بولمه گونگه قدر کلتکلش حقوقیگه ایگه ایمس.
افغانستان جزا قانونینینگ 275 ماده سیده کیلیشیچه، قندهی دیر بیر واقعه گه عیبلگن کیشینی بیرار اداره یا شخص زوردن اعتراف قیلدیرسه، اوزی اوزاق مدتگچه آزادلیکدن محرم ایتیلهدی.
