نمایندهلر کینگشی اعضالریدن بیرقطاری، بالامرغاب نینگ کوپ قطار بولیملرینی طالبان قولیگه سقوط قیلگنیدن خبر بیرگنلر.
اولرنینگ ایتیشیچه، حاضرده ملی اردو قرارگاهلریدن یالغیز 1 تهسی امنیتی کوچلر قولیگه دیر و اوشبو تومن پولیس قومندانلیگی، تومن بناسی و تومن بازاری شامل باشقه منطقهلری طالبان نظارتیگه کیرگن.
نمایندهلر کینگشی اعضاسی ضیاالدین اکاذی نینگ سلاموطندارگه ایتیشیچه، اوتگن کیچه طالبان تامانیدن بالامرغاب تومنی اوستیگه اویوشتیریلگن هجوم نتیجهسیده، کماندو کوچلریدن 10 تهسی هلاک ایتیلیب و باشقه 11 تهسی یرهلنگن دیر.
جناب اکاذی گه کوره، بو واقعهده 3 طالب هلاک ایتیلیب و باشقه 15 طالب یرهلنگن دیر. اونینگ ایتیشیچه، ملی اردو قرارگاهی و بو تومن آرهسیده بولگن کوپریکنی پارتلهتیش اوچون طالبان گروهی سعی و حرکت قیلهدی.
جناب اکاذی نینگ کوپهیتیریشیچه، 207 قول اردو قومندانلیگیدن کمکی کوچ ایستهگنلر و کمکی کوچلرنینگ محلگه یوباریلیشی ممکن.
بادغیس حاکمی سوزلاوچیسی جمشید شهابی، بو خبرنی تصدیقلیدی، بیراق بو تومن قطار بولیملری نینگ سقوط قیلگنینی رد قیلهدی. اونینگ ایتیشیچه، بو هجوم ده ایکی تامان تلفات کورگن.
بادغیس حاکمی نینگ سوزلاوچیسیگه کوره، اوشبو تومنده ییترلیچه امنیتی کوچلر جایلشگن و نیاز بولگن صورتده کمکی کوچلرنینگ یوباریلیشی ممکن.
طالبان گروهی حاضرگهقدر بو توغریده میدیاللرگه معلومات بیرمهگن. طالبان گروهی نیچه آی آلدین بیر هجوم آرقهلی، بالامرغاب تومنینینگ بازاری، تومن بناسی و پولیس قومندانلیگینی تصرف قیلگن ایدی.
شوتوغریده…
