نیچه دقیقه آلدین کابل نینگ غربیده آغیر بیر پارتلش یوز بیرگنی آوازی ایشیتیلدی.
تصدیق بولمهگن گزارشلرده، پارتلش کابل نینگ چهار قلعه چهاردهی یولیده جایلشگن پولیسنینگ آلتینچی حوزهسیده روی بیرگن. واقعه نینگ تلفاتی توغریسیده معلومات قولده ایمس.
امنیتی ادارهلر مسووللری هم هنوزگچه بو حقده بیرار نرسه دیمهگن. حادثه ییریدن اوق اوزیش سیسی هم ایشیتیلگنی ایتیلهدی.
ساغلیقنی سقلش وزیرلیگی سوزلاوچیسی وحید مجروحنینگ میدیاگه ایتیشیچه، 6- حوزه ده یوز بیرگن واقعهدن 35 یرهلی کسلخانهگه ییتکیزیلگن.
باشقه بیر تاماندن، نیچه دقیقه آلدین، کابل شهری 12- حوزه ده باشقه بیر پارتلش یوز بیردی.
اوشبو واقعهلر محلیگه امنیتی کوچلر سفر بر ایتیلگن، بیراق امنیتی رسمیلر حاضرگچه بو توغریده هیچ نرسه دیمهگن.
قوراللی طالبلر بیر خبرنامه ترقهتیب و بو واقعهلرنی اوز ذیمهسیگه آلیب ایتیشیچه، بو واقعهلر، مذکور گروهنینگ «عمری» عملیاتیگه شامل بولهدی.
