جمهور رییسنینگ یخشی حکومتدارلیک و اصلاحات کیلتیریش بولیمیده ویژه نمایندهسی احمدضیا مسعود، حاضرگی قیینچیلیکلر، ناتینچلیکلر و سیاسی ثباتسیزلیکلر عاملی، اولکهده قومگراییلیک دیب بیلهدی و اوشبو معضله نینگ اورتهدن ایلتیش اوچون «افغانستان ملی و جهادی حزب» لر عالی کینگشی ایجاد ایتگنلیکلرینی بیلدیرهدی.
مذکور کینگش پنجشنبه کونی رسمی شکلیده اوز موجودیتلیگینی بیلدیردی. بوکینگش ییریک هدفی اولکه دهگی موجود قیینچیلیکلرنی یوقاتیش عنوان بولگن.
جناب مسعود اوشبو کینگش موجودیتی اعلام بولیش اولتیریشده صحبت قیلردی، قومی جامعهلر ملی جامعهده اوزگرمهگن بیر حالده، اقتصادی و سیاسی اوسیشگه قول تاپیش امکانیت سیز ایکنلیگینی تیلگه آلدی. اونینگ بیلدیریشیچه، ملی بیرلیک حکومتی ایکی قومی یونهلیشدن تشکیل ایتیلگن و بو موضوع کوپلب قیینچیلیکلرنی توغدیریشگه سبب بولگن.
جهادی تانیقلیلردن بیری و ملی نجات جبعهسی باشلیغی صبغتالله مجددی هم ینگی ایجاد ایتیلگن کینگش اعضالریدن بولیب، کون سایین ناتینچلیکلر کوپهیشی، فساد و تشقی اولکهلرنینگ افغانستان ایچکی ایشلریده ارهلشیشلری، اولرنی شونقه بیر کینگش ایجاد قیلیشگه چقیرگنلیگینی بیلدیردی.
جناب مجددی باشقه حزبلردن هم حاضرگی قیینچیلیکلردن چیقیش اوچون، افغانستان ملی و جهادی حزبلر کینگشیگه قوشیلیشینی ایستهدی.
اسلامی وحدت حزبی باشلیغی و سابق جمهور رییس ایکینچی اورین باسری کریم خلیلی هم اوشبو اولتیریشده، ناتینچلیکلر و سیاسی ثباتسیزلیکلر اوچون قومی و منطقهیی مسالهلردن چیقیشگه نیاز بارلیگینی بیلدیردی.
جناب خلیلیگه کوره، افغانستان ملی و جهادی حزبلری عالی کینگشی ایرکین بیر حرکت بولیب، قیسی بیر تشقی اولکه بیلن سیاسی باغلهنیشی یوق ایکن. اونینگ کوپهیتیریشیچه، اوشبو کینگش حکومت ایجابی ایشلرینی حمایت و سلبی ایشلرینی قارهلب تورهدیگن بیر حرکت بولیشی ممکن.
شونینگدیک خلیلی بوکینگش «مدنی حرکتلر» بیلن فساد و ناتینچلیکلرگه قرشی کورهشیش یوللرینی قیدیرهدی دیب تأکید قیلهدی.
ملی و جهادی حزلر عالی کینگش اعضاسی، گینه قومگراییلیک و نژاد پرستلیکگه قرشی کورهشیش بیلن و ملی اویغهتیش یوکسلتیریلیشی بیلن اولکه دهگی حاضرگی موجود قیینچیلیکلرگه قرشی توریش امکانیتی بار دیگنلر.
