فاریاب ولایتیده طالبان گروهی نینگ اوروش فعالیتی کینگهیگنی و امنیتی کوچلرنینگ قورشاو حلقهسی تار بولگنی باعث، حربی کوچلر دی سی توپلری شامل آغیر قوراللر بیلن میمنه شهری ایچیدن طالبان گروهی نینگ مواضعلرینی هدف قرار بیرهدی و بو موضوع میمنه شهری یشاوچیلرینی خواطرگه سالگن.
سلاموطندارگه صحبت بیرگن میمنه شهری یشاوچیلریدن ایکی کیشی عزیزالله و معاذالله نینگ ایتیشیچه، حربی کوچلری نینگ قرارگاهی میمنه شهریده اویلرینی یانیده جایلشگن و حربی کوچلر شو نقطهدن طالبان گروهی نینگ قرارگاهلرینی دی سی توپ بیلن نشانگه آلهدی.
اولرگه کوره، بو توپلرنی آغیر و دهشتلی سیسی عیاللر و بالهلر آرهسیده وحشت و قورقینچ ایجاد قیلهدی و اولر دی سی توپلری میمنه شهریدن اوزاقراق جایلشتیریلیشی نی ایستهیدی.
شونینگدیک، فاریاب مرکزی کسلخانهسینی روحی و روانی کسللیکلر بولیمی مسؤولی داکتر نقیبالله خطیبی نینگ ایتیشیچه، اولتیریش اویلر یقینیدن آغیر قوراللر آتیلیشی بالهلر و عیاللر آرهسیده قورقینچ ایجاد قیلیب و روحی و روانی کسللیکلرگه سبب بولهدی.
عین حالده، فاریاب ولایتیده 209 شاهین قول اردو قومندانلیگی بیرینچی لوا قومندانی روزمحمد غَرَنَی نینگ سلاموطندارگه ایتیشیچه، میمنه شهری یشاوچیلریدن بیرقطاری، حربی ییرلرینی زورغه غصب قیلگن و حربی قرارگاهلری یقینیده اوی قورگنلر.
جناب غَرَنَی نینگ کوپهیتیریشیچه، حربی قرارگاهلریدن آغیر قوراللر انتقال بیریلیشی نی ایستهگنلر دولت گه قرشی قوراللی گروهلرگه همکارلیک قیلهدی و اولر قولگه آلینیشی کیرهک.
مملکت حربی کوچلری نینگ آغیر قوراللری اوتمیشلرده فاریاب تومنلریده جایلشتیریلگن ایدی و بو ولایتده طالبان حاکمیتی کینگهیگنی باعث، امنیتی کوچلر دی سی توپلرینی میمنه شهری نینگ ایریم منطقهلریده جایلشتیریش گه مجبور بولدی.
