.jpg)
غزنی ولایتینینگ پولیس قوماندانی، اندر تومنینینگ پولیس کوچلریده اولکن فساد بارلیگی توغریسیده خواطر بیلدیرگن. غزنی پولیس قوماندانی جنرال امین الله امرخیل اندر تومنی پولیس کوچلرینی تیکشیرگن دن کیین، پولیس حربیلری قطعهسیده ییریک فساد موجودلیگینی فاش قیلگن. او، ولسواللیک سقوط قیلیشی اوچون طالبلرایمس، بلکه فساد سبب بولگن دیگن. جنرال امر خیل، اندر تومنی پولیس عسکرلرینینگ مسوولیتسیز یاندهشیشی همده نقلیه واسطهسی آرقهلی قورال اسلحهلر بیلن جهازلهنیش جدی قیین چیلیک یرهتگن دیگن.
ولایت امنیه قوماندانی، چمهسی یوز میل قورال ییراق اندر تومنیده یوقالگن و پولیسنینگ نیچه موتری بوزیلیب ایشدن چیقاریلگن لیگینی معلوم قیلگن. جناب امرخیل، پولیس قورال اسلحهسی یوقالیگنی همده موترلر بوزیلیب بیکار ایتیلگن توغریسیده تومننینگ سابق امنیه قوماندانی جواب بیریشنی سوره گن.
شونینگدیک ولایت امنیه قوماندانی، مساله اوچون مرکزده ایریم شخصلرنی ارهلهشیشی اونینگ قانون چنگالیدن قاچشیگه سبب بولگن دیگن.
غزنی ولایت امنیه قوماندانی مملکت ایچکی ایشلر وزیرلیگیدن مساله تیکشیریلیشی اوچون اندر تومنیگه هیات یوباریشنی سورهگن. جنرال امر خیلگه کوره، اندر تومنینینگ قیین چیلیگی اون ییللیک میراثگه باریب تاقیلهدی.
.jpg)
بو مساله ایسه دولت قوراللی مخالفلری کوچلهنیشیگه سبب بولیشی ایتیلهدی. شونینگدیک ولایت امنیه قوماندانی، جنگریلرگه قرشی عصیان کوتارگن بعضی گروهلرنی آدم اوغیرلاوچیلیک حادثهلرده قولی بارلیگی تیلگه آلگن.
عین حالده، ولایت والیسی محمد امان حمیم نینگ سلاموطندار رادیوسیگه ایتیشیچه، بعضی تومنلر جدی تیکشیریلیب، قیین چیلیگی حل ایتلیشی اوچون سعی و حرکت آلیب باریلهدی. غزنی ولایت والیسی، ولسواللیکلرده طالبلرگه ضد عصیان کوتارگنلر تامانیدن اهالی اذیت ایتیلیشی و قورال اسلحهلر درکسیز یوقالگنی بارهسیده جدی تیکشیرو اوتکزیلهدی دیگن.
غزنی ولایت مرکزینینگ 25 کیلو مترلیگیده جایلشگن اندر تومنی نابرقرار ولسوالیکلردن. مذکور تومن دولت، طالبلر و بوندن تورت ییل آلدین جنگریلرگه قرشی عصیان کوتارگنلر تامانیدن باشقریلهدی.
لیکن، حاضر غزنی ولایتینینگ مدنی فعاللری تومندهگی نابرقرالیک و اهالیگه اذیت ییتکزیش اوچون اوروش تامانلرینی عیبدار بیلگنلر. شونینگدیک مدنی فعاللر، اوروش دوامیده تینچ اهالیگه زیان ییتکزیش مسالهسی نظرده توتیلمیدی دیگنلر.
