ملی خوفسیزلیک کینگش دفتری نینگ اعلام قیلیشیچه، رمضان آییده 146 تینچاهالی طالبان آرقهلی اولدیریلگن و باشقه 430 کیشی ایسه یرهلنتریلگن.
بوگون (شنبه 3- جوزا) ملی خوفسیزلیک کینگش دفتری سوزلاوچیسی جاوید فیصل بیر توییت آرقهلی یازیشیچه، رمضان آییده 30 ولایتده 146 تینچاهالی طالبان آرقهلی هلاک و باشقه 430 تینچاهالی ایسه یرهلنتیریلگن. اونگه کوره، قربانیلر آرهسیده عیاللر و بالهلر هم شامل دیر.
عین حالده، بوندن آلدین ملی خوفسیزلیک کینگش دفتری طالبان آرقهلی تینچاهالی هلاک ایتیلیشی توغریسیده ایتیشیچه، رمضان آیی نینگ بیرینچی هفتهسیده 17 ولایتده 17 تینچاهالی طالبان آرقهلی اولدیریلگن و باشقه 49 تینچاهالی ایسه یرهلنتیریلگن.
ملی خوفسیزلیک کینگش دفتری نینگ بیاناتی اساسیده، رمضان آیی نینگ ایکینچی هفتهسیده طالبان هجومی باعث 25 تینچاهالی هلاک و باشقه 74 کیشی یرهلنگن.
شونینگدیک رمضان آیی نینگ اوچینچی هفتهسی تینچاهالی اوچون اینگ قانلی هفته ایدی. بو هفتهده طالبلرنینگ هجومی نتیجهسیده، 79 تینچاهالی هلاک و باشقه 218 تینچاهالی یرهلندی.
کابل غربیده بیر کسلخانهده اویوشتیریلگن و شونینگدیک ننگرهار ده یوزبیرگن خودکش هجوم تینچاهالی گه قرشی قانلی هجوملردن ایدی.
طالبان گروهی ملی خوفسیزلیک کینگش دفتری نینگ گزارشی حقیده حاضرگچه هیچ بیر نرسه دیمهگن.
