ننگرهار ولایتیدن حکومتی بیرمنبع نینگ کیملیگی سیرقالیشنی ایستهب سلاموطندارگه ایتیشیچه، اوشبو ولایت قماقخانهسیده بولگن بیرقطار محبوسلر قماقخانهدن قاچیب کیتگنلر.
منبع نینگ بیر محبوس دن نقل قیلیب ایتیشیچه، هجومچیلر فارسی و پشتو تیللرگه بلد ایمس ایکنلر و چیتایللیک مملکتلرنینگ یشاوچیلری بولیشلری ممکن.
ننگرهار حاکمی سوزلاوچیسی عطاالله خوگیانی نینگ ایتیشیچه، مذکور قماقخانهده 1793 قماققه ایدی. اونینگ ایتیشیچه، محبوسلردن 1025 تهسی قاچیب کیتهدیگن چاغده امنیتی کوچلر تامانیدن قیتهدن قولگه آلینگن.
اونینگ کوپهیتیریشیچه، امنیتی کوچلر 430 محبوسنی قوتقرگن و محبوسلردن بیرقطاری هلاک، یرهلنیب و درکسیز یوقالگن. ننگرهار امنیتی مسووللری تامانیدن بیریلگن آمارلرگه کوره، 1793 محبوس جملهسیدن 338 تهسی درکسیز یوقالگن.
ننگرهار حاکمی سوزلاوچیسیگه کوره، اوشبو هجومده تینچ اهالی و حربیلر شامل 29 کیشی هلاک و باشقه 50 دن آرتیق کیشی یرهلنگن.
اوتگن "یکشنبه" کونی شام چاغیده بیرقطار قوراللی هجومچیلر ننگرهار قماقخانهسی اوستیگه هجوم قیلگنلر. امنیتی مسووللرنینگ ایتیشیچه، بیرینچیدن موترگه جایلشتیریلگن پارتلش ماده قماقخانه ایشیگیگه پارتلهتیلگن و اوندن سونگ، هجومچیلر قماقخانهگه کیرگن.
بوگون "دوشنبه" توشدن سونگ، ملی مدافعه وزیرلیگی نینگ بیر اعلامیه آرقهلی ایتیشیچه، قماقخانه ایچیده اویوشتیریلگن تازهلش عملیات نتیجهسیده 5 هجومچی هلاک ایتیلگن، بیراق منبع نینگ سلاموطندارگه ایتیشیچه، هجومچیلر 30 کیشی ایکن.
عینحالده، ملی مصالحه کینگشی باشلیغی عبدالله عبدالله بیر اعلامیه آرقهلی، ننگرهار قماقخانهسیده اویوشتیریلگن هجومنی قارهلب و بوندهی هجوملر تینچلیک خصوصیده بولگن دقت و حوصله میزنی کمهیتیرهدی دیگن.
جناب عبدالله، امنیتی نهادلردن اوشبو هجومنی جدی شکلده تیکشیریب و نتیجهنی اهالی بیلن شریک قیلیشلرینی سورهگن.
