افغانستان جمهور رییسی محمد اشرفغنی رمضان مبارک آیی مناسبتی بیلن بیلدیرگن پیامیده، امنیتی کوچلرنینگ عایلهلری و فرزندلریگه کومک قیلیش اوچون صندوق ایجاد ایتیلگنلیگیدن خبر بیرگن.
جمهور رییسنینگ پیامیده مذکور صندوق دستلب 90 میلیون افغانی هزینه بیلن تاسیس ایتیلگن.
شونینگدیک جمهور رییسنینگ سوزلریگه کوره، مذکور صندوقدن یخشی فایدهلهنیش اوچون تاسیس ایتیلهدیگن بنیاد آرقهلی بو کومکلر ملی کوچلرنینگ عایلهسی وفرزندلریگه «شفاف وسیستماتیک» صورتده ترقهتیلهدی.
عینحالده، جمهور رییسغنی پیامده اوروشده هلاک بولهدیگن ملی کوچلر فرزندی اوچون تعلیم و تربیه شرایطی یرهتیلیشی خصوصیده تاکیدلهگن.
مذکور یاردملر اوروشده هلاک بولگن افغان ملی کوچلرینینگ فرزندلری و عایلهلری هیچ قندهی محرومیت سیزمسلیکلری اوچون کورسهتیلهدی.
شونینگدیک جنابغنی، افغانستان ایش و اجتماعی مسالهلر بوییچه وزیرلیگی و خیریه بنیادلردن مذکور صندوقنی حمایت قیلیشلرینی و سورهگن.
افغانستان جمهور رییسی مذکور پیامده اوروش افغانستان اوچون تحمیل ایتیلگنلیگی حقیده ینه بیر بار تاکیدلهگن.
جمهور رییس نینگ ایتیشیچه: « حاضرگی کونده اوروشگه صرفلنهدیگن مبلغ، نادارلیک و قشاقلیککه صرفلنگنده ایدی افغانستان هر تاماندن رواجلنگن بیر مملکتگه صاحب بولردی. حاضرگی اوروش قشاقلیککه سبب بولهدی»
محمد اشرف غنی تینچ لیک اوچون هر قندهی کوتاریلگن آدیمنی خوش قرشیلیدی و هیچ بیر افغانستانلیک نینگ قانی توتکیلیشگه راضی ایمس لیگینی بیلدیرگن.
اما، جمهور رییسگه کوره، « تینچلیک اوچون چیقاریله دیگن آوازنی اوروش بیلن جواب بیره دیگنلرگه» افغانستان ملی کوچلری خشمیگه دوچار بولیشدن بولک یوللری یوق.
حکومت اجراییه رییس عبداللهعبدالله مبارک رمضان آیی مناسبتی بیلن یوللهگن پیامده ملی بیرلیک حکومت تینچلیک مذاکرهلرگه تاکیدلهگن لیگینی ایسلهگن. او مخالفلردن تنیچلیک یولینی قیدیریشنی سورهگن
بوندن آلدن افغانستان دین عالملر کینگشی مبارک رمضان آییده آتیش کیسین اعلان ایتیلیشینی سورهگن ایدی.
اما، طالبلر حرکتی مذکور ایستکنی رد قیلیب، اوشبو مبارک آیده هم اوروشگه دوام ایتیریشلری بارهسیده آگاهلتنیرگن.
