پاکستان باش وزیرینینگ تشقی ایشلر و ملی امنیت مصلحتچیسی سرتاج عزیز، افغان رسمیلری بیلن کابلده اوتکزیلگن ریکا ییغینینینگ چیکهسیده اوچرهشگن چاغیده، بوندن کیین بیری- بیراویگه تهمت باغلهمسلیک اوستیگه کیلیشگنلرینی ایتکن. اونگه کوره، تهمت باغلش اورنیده، ایکی مملکت علاقهسی یخشیلنیشی خصوصیده سعی و حرکت قیلیش لازم.
جمهورلیک ریاستینینگ اورغولشیچه، جناب عزیز بیرگهلیککه تروریسم گه قرشی کورهشیش خصوصیده تأکیدلگن.
جمهور رییس سوزلاوچیسی اورین باسری سیدظفر هاشمیگه کوره، حکومت هردایم پاکستاننی آگاه لنتیریب، افغانستان برابریده تشکیل ایتیلهدیگن تروریستی هجوملرگه توسیق بولیشینی سورهگن. جناب هاشمینینگ ایتیشیچه، ایکی مملکت اورتهسیدهگی قرهمه قرشیلیک یالغیز نظرلر قنقهلیگیده بولگن و افغانستان، پاکستان بیلن یخشی علاقهده بولیشنی ایستهیدی.
شونینگدیک، سرتاج عزیزنینگ اوشبو اوچره شووده ایتیشیچه، بوندن کیین ایکی مملکت علاقهسی یخشیلنیشی خصوصیده بولگن موضوعلر اوستیگه ایشلهیدی.
بیراق، سیاسی ایش بیلرمان و تشقی ایشلر وزیرلیگی سابق اورین باسری محمود صیقل، هیچقچان پاکستان سوزلریگه ایشانمسلیگی اوستیگه تأکیدلب و اوشبو سوزلر عملگه آشیریلگینچه کوتیشینی ایتکن.
شونینگدیک جناب صیقلنینگ ایتیشیچه، پاکستان رسمیلرینینگ سوزلری، مذکور مملکت حکومتی و یشاوچیلرینینگ ایستهگی بیلن قنقهلیگی معلوم بولیشی لازم.
جناب صیقلگه کوره، ایکی مملکت علاقهسی یخشیلنیشی خصوصیدهگی سوزلشوولر آرتده قالمسلیگی لازم؛ چونکه آرتده قالگن صورتده، ایکی تامان اورتهسیده ایشانچسیزلیک کوپهییشیگه باعث بولهدی.
ملی بیرلیک حکومت تشکیل ایتیلگنیدن کیین، پاکستان اینیقسه مذکور مملکت حربی رسمیلری بیلن یخشی علاقهده بولیش خصوصیده سعی و حرکت قیلدی. شونینگدیک، پاکستان اوشبو سعی و حرکتلر جریانیده طالبلرنینگ مذاکره میزی اوستیگه حاضرلشگه سوزبیردی.
اوشبو سعی و حرکتلر باعث، حکومت و طالبلر اورتهسیده بیرینچی رسمی تینچلیک مذاکره پاکستاننی مری شهریده اوتکزیلدی. ایش بیلرمانلرگه، اوشبو اولتیریش ایجابی نتیجهلر بیلن بیرگه ایدی و ایکینچی اولتیریش چینده اوتکزیلیشی اوستیگه قرار قیلیندی، بیراق طالبلر پاکستانده اوتکزیلیشی اوستیگه تأکیدلهدی.
بیراق، طالبلرنینگ سابق رهبری ملاعمر اولیمی بیللی بولگنیدن کیین، ایکینچی دور تینچلیک مذاکره نامعلوم زمانگچه آرتده قالدی.
اوشبو گروهنینگ ینگی رهبری ملا اختر محمد منصور، ملاعمر اورنیگه تعیین لندی و افغانستانده جهاد دستورینی صادر قیلدی. اوشبو دستور صادر بولگنیدن کیین، افغانستان اینیقسه کابل قانلی حادثهلرگه گواه بولدی.
افغانستان حکومتی اوشبو هجوملر توغریسیده ینه بیربار پاکستاننی عیبلهدی. انه شو باعث، کابل- اسلامآباد علاقهسی بیرآز چیگللیککه تارتیلدی.
شونده ی بیرحالده، میلادی جاری ییل نوامبر آییده مملکت تشقی ایشلر وزیری صلاح الدین ربانینینگ پاکستانگه سفر قیلیشی ایتیلگن. ایتیلیشچه، اوشبو سفرده سوداگرلیک کیلیشووگه قوشیمچه، باشقه مسئلهلر اوستیگههم بحث اوتکزیلیشی ممکن.
