فاریاب محلی رسمیلرینینگ ایتیشلریچه، اوچ کوندن بویان دولتآباد تومنیده ناتینچلیک کوپهیگن و آتیشمهلر باعث یوزلرچه عایله بدرغه بولگنلر.
سلاموطندارگه صحبت بیرگن دولتآباد تومن ولسوالی عبدالرازق کاکرنینگ ایتیشیچه، کویته کینگشی اوشبو تومن حکومت نظارتیدن چیقیشی نی اِیستهیدی. اونگه کوره، طالبلر دولتآباد تومنیده مذکور گروه اعضالری بیلن سوزلش اوچون بارگن کیشیلرگه ایتیشلریچه، کویته کینگشی اوشبو تومننینگ سقوط ایتیشی نی اِیستهیدی.
جناب کاکرنینگ ایتیشیچه، حکومت تیزلیکده طالبلر هجومی نی آرقه گه اوریش اوچون بیرار اِیش قیلمهگن صورتده، مذکور تومن طالباننینگ نظارتیگه اوتهدی.
سلاموطندارگه صحبت بیرگن فاریاب ولایتی کینگشی اعضاسی عبدالاحد ایلبیگ نینگ ایتیشیچه، اوچ کوندن بویان دولتآباد تومنیده اوروش شدتلنگن و مذکور تومنده خوفسیزلیک کوچلرینینگ قربانیلری 5 کیشی گه ییتیشهدی.
شو توغریده…
فاریابده ناتینچلیکلر شدتلنگن؛ اونلرچه عایله یول چیکَّهسیده یاتیشهدیلر
فاریاب؛ طالبان گروهی عیاللر و بالهلردن انسانی سپر صفتیده فایدهلنهدی
ایلبیگ گه کوره، اوشبو آتیشمهلر باعث یوزلرچه عایله منطقهلریدن بدرغه بولیب و یمان وضعیت گه حیات کیچیرهدیلر. اونینگ کوپهیتیریشیچه، طالبلر دولتآباد تومنی اطرافیده سنگر آلگنلر و اوشبو تومننینگ سقوط قیلیش احتمالی بار.
شونینگدیک اوتگن کیچه طالبان تخارنینگ قطار منطقهلریگه هجوم قیلگنلر. آمریکا بیلن صحبت اوتکزیش اوچون مذکور گروه نمایندهلرینینگ رویخطی ترقهتیلگن بیر حالده اوشبو گروهنینگ هجوملری کوپهیگن. شونینگدیک مذکور رویخط گه حقانی گروهی نی قورگن جلالالدین حقانینینگ اوغلی انس حقانینینگ آتی کورینهدی.
