هند باش وزیری نارندا مودی بوگون ایرتلب (جمعه) کابلگه کیلدی. اونینگ بو سفردن نیتی هندوستان تامانیدن قوریلگن افغانستان ملی مجلس بناسینی آچیش بولگن. افغانستان ملی مجلسینینگ ینگی بناسی آچیلیشی مناسبتی بیلن اوتکزیلگن ییغینده سوزلهگن جناب مودی افغانستان و هندوستان اورتاقلیگی دایمی قالیشی بارهسیده ینه بیر بار تاکیدلهگن.
ییغینده افغانستان جمهور رییسی محمد اشرفغنی، اجراییه ریاستی باشلیغی عبداللهعبدالله، سابق جمهور رییس حامد کرزی و ملی کینگش رییسلری قوشیمچه مملکت ملی کینگش اعضالری اشتراک ایتگن ایدی.
افغانستان بیلن هندوستان دوستلیگی غرضسیزلیگی توغریسیده ینه بیر بار تاکیدلهگن جمهور رییس، تاگور داستانیگه اشاره قیلیب ایتیشیچه، افغانستان هیچ بیر زمان بی غرض دوستلرینینگ لطفلرینی اونوتمیدی.
شونینگدیک اون تورت ییل جریاینیده هندوستاننینگ تورلی بولیملرگه کورستگن یاردملری اوچون منتدارلیک بیلدیرگن جمهور رییسغنی، افغانستان بیلن هندوستان کیلهجکلرده تورلی لایحهلرنی اوز ایچیگه آلهدیگن برنامهلر جملهدن اقتصاد، امنیت و سیاست توغریسیده همکارلیگی اوچون اورغولهگن.
ایتیلیشیچه، هندوستان حکومتی یقینده افغان ملی کوچلری جهازلهنیشی اوچون حربی اوچاقلر کومک ایتهدی.
