افغانستان ملی فوتبال تیرمه جماعهسی، اوییننی 86- دقیقهده مصطفی زازی آرقهلی بیر گول اوریب، کامبوج فوتبال تیرمه جماعهسینی باسیب اوتدی.
بو اویین کامبوج باشکینتی «پنوم پن» میدانیده اوتکزیلدی.
اوییننی بیرینچی میدانده افغانستان فوتبال تیرمه جماعهسی، کامبوج تیمی دربازهسی اوستیگه کوپلب هجوم کیلتیردی؛ بیراق بو سعی و حرکتلر نتیجه بیرمهی بیرینچی میدان مساوی یکونلندی.
ایکینچی میدان باشلهنیشیده، مملکت فوتبال تیرمه جماعهسی نینگ اویینچیلری رقیب تامان ایشیگی اوستیگه کوپلب هجوم اویوشتیردی، عین حالده مملکت اویینچیلرینینگ امتیاز آلیش فرصتلری کیینمه کیین قولدن بیریلردی.
شوندهی بیرحالده، ایکینچی میدانده حریف تیرمه جماعه افغانستان تیرمه جماعهسی نینگ ایشیگی اوستیگه هجوملرینی کوپیتیرگن، بیراق مملکت فوتبال اویینچیلری یخشیلیکده بو هجوملرنی باشقرگن.
شونینگدیک افغانستان فوتبال اویینچیلری هم نیچه مرته ایشیگی اوستیگه هجوم کیلتیرگن؛ بیراق بو هجوملر کامبوج تیرمه جماعهسینینگ دروازه بانی آرقهلی باشقریلدی.
نهایتده مصطفی زازی، اویین نی 86- دقیقهسیده کامبوج تیرمه جماعهسی نینگ بیرگول اوریب افغانستاننی موفق قیلدی.
بو روسیه نینگ خلق ارا جامی دستلبکی اویینلریده افغانستان ملی فوتبال تیرمه جماعهسی نینگ ایکینچی اویینی سنهلهدی.
افغانستان ملی فوتبال تیرمه جماعهسی نینگ بیرینچی اویینی اوشبو جامنی دستلبکی بیلشوولریده مشهد شهرینینگ ثامن میدانیده اوتکزیلدی و نتیجه 0-6 سوریه منفعتی گه یکونلندی.
افغانستان، روسیه نینگ 2018- خلق ارا جامی دستلبکی اویینلریده، سوریه، کامبوج، سنگاپور و جاپان تیرمه جماعهلری بیلن هم گروه بولگن و بو اویینلر باریش و کیلیش صورتده یولگه قوییلهدی.
مملکت فوتبال تیرمه جماعهسی سپتامبر آیی نینگ 8 ده جاپان بیلن اوینهیدی و اوندن کیین اکتبر آیی نینگ 8 ده سنگاپور تیرمه جماعهسی نینگ مقابلیگه چیقیشی ممکن.
